申命記 第 8 章 - 台語漢字羅馬本

1
「我今仔日所命令你一切的誡命,恁著執守來行伊,互恁通活,人額加添多多,通入去得著耶和華對恁的列祖所咒誓應允的地。
2
你也著記得耶和華──你的上帝此四十年導你佇曠野的路,是欲互你謙卑來試驗你,欲知你的心內怎樣,肯守伊的誡命抑無。
3
伊互你謙卑,互你枵餓,用你所呣識你的列祖也呣識的嗎哪養飼你,互你知,人呣是干單倚靠餅來活,人是倚靠耶和華嘴所講一切的話來活。
4
此四十年,你的衫褲無破,你的腳也無泡。
5
你的心著知,耶和華──你的上帝教督你,親像人教督伊的子一樣。
6
閣你著執守耶和華──你的上帝的誡命,來行伊的道路,來敬畏伊。
7
因為耶和華──你的上帝導你入彼個娞的地,彼個地有溪,有水泉,有深淵,對山谷及山流出來。
8
是出小麥、大麥、葡萄樹、無花果樹、石榴樹的地,也出橄欖樹,及蜜的地。
9
你佇彼所在食物充足,佇遐你也無欠一項。彼所在的石頭是鐵,佇伊的山通掘銅。
10
你欲食到飽,就為著伊所賞賜你的娞地,來謳咾耶和華──你的上帝。
11
「你著謹慎,免得你記得耶和華──你的上帝,無守伊的誡命、法度、律例,就是我今仔日所命令你的;
12
驚了你已經食飽,已經起娞的厝來徛起,
13
你的牛羊加添,你的金銀加添,你所有的攏加添,
14
彼時你的心自高,記得耶和華──你的上帝,就是導你對埃及地做奴才的家出來的,
15
伊導你經過彼個大閣通驚的曠野,遐有火蛇、蠍仔蟲、乾燥無水的地。伊曾為著你互水對的石磐流出來,
16
閣佇曠野,將你的列祖所呣識的嗎哪養飼你,是欲互你謙卑,試驗你,互你到尾得著福氣;
17
驚了你心內想講:『得著此個大的基業是對我的氣力、我的手的能力。』
18
總是你著記得耶和華──你的上帝,因為你得著大基業的氣力,是伊互你,欲成伊所對你的列祖咒誓的約,親像今仔日的款。
19
將來你若記得耶和華──你的上帝,趁別個上帝服事伊,敬拜伊,我今仔日嚴嚴警戒恁,恁的確滅無。
20
耶和華佇恁的面前所滅無許個國,恁也欲按呢滅無,因為恁呣聽趁耶和華──恁上帝的話。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!