出埃及記 第 10 章 - 台語漢字羅馬本

1

耶和華對摩西講：「你入去見法老。因為我已經互伊的心及伊的人臣的心剛硬，通互我顯明我諸個神蹟佇中間，

2

也欲互你將我所做佇埃及的事，及我佇中間所行諸個神蹟，傳互你的子及你的孫聽，通互恁知我是耶和華。」

3

摩西、亞倫就去見法老，給伊講：「耶和華──希伯來人的上帝按呢講：『你佇我的面前呣肯家己謙卑欲到甚麼時啊？著准我的百姓去，互服事我。

4

你若呣肯互我的百姓去，看啊，明仔日我欲互草蜢入你的境內，

5

欲遮蓋地面，致到看見土，閣欲食彼個對災禍所剩的就是雹所拍無了的，也欲食田裡為恁所發一切的樹木。

6

草蜢欲充滿你的厝及你的眾人臣的厝，以及一切埃及人的厝，對你的老父及你的祖公出世到今，未曾看見按呢。』」摩西就越轉身離開法老出去。

7

法老的人臣對伊講：「此人做咱的羅網欲到甚麼時啊？著准諸個人去服事耶和華──的上帝！埃及已經敗壞，你豈呣知嗎？」

8

對按呢摩西、亞倫受召倒轉來見法老；法老給講：「恁去服事耶和華──恁的上帝；獨獨許個欲去者是甚麼號人啊？」

9

摩西講：「阮欲及阮的少年人老人去，也欲帶阮的子查某子，及阮的羊群牛群做一下去，因為阮著守耶和華的節。」

10

法老對講：「好啦，我准恁及恁的囝仔去啦！願耶和華及恁佇，恁著謹慎；災禍佇恁目睭前啦！

11

按呢做得！恁諸個大人通去服事耶和華，因為這是恁所求的。」就對法老的面前趕出去。

12

耶和華給摩西講：「你伸手指埃及地，互草蜢上來埃及地，食地裡一切的菜蔬，就是雹拍無了的。」

13

摩西就伸伊的柺仔指埃及地，耶和華就互東風通日通暝吹佇地裡；到明仔早起，東風就將草蜢吹來。

14

草蜢上來埃及遍地，歇佇埃及的四境，利害到極；從前無有按呢的草蜢，以後也無欲按呢。

15

因為遮蓋全地，致到地攏黑暗，閣食地上一切的菜蔬及樹裡的果子，雹所拍無了的。埃及遍地，無論樹木，抑是田裡的菜蔬，無留一項青翠的物。

16

對按呢法老趕緊叫摩西、亞倫來，講：「我得罪恁的上帝──耶和華，也得罪恁。

17

今求你干單此一擺，赦免我的罪，求恁的上帝──耶和華互我脫離此一擺的死無。」

18

摩西就離開法老去求耶和華。

19

耶和華就轉真透的西風將草蜢吹起來，趕入紅海；佇埃及的四境無留一隻草蜢。

20

總是耶和華互法老的心硬，呣准以色列人去。

21

耶和華給摩西講：「你伸手向天，互埃及地黑暗；此個黑暗到會摸得。」

22

摩西就伸手向天，埃及遍地就三日久黑黑暗暗。

23

三日久，人看見人，也無起來離開伊的所在；獨獨以色列人的厝攏有光。

24

法老就叫摩西來，講：「恁去服事耶和華；獨獨是恁的羊群牛群著留；恁的囝仔就通及恁相及去。」

25

摩西講：「你也著將牲禮及燒祭的物交阮的手，互阮通祭祀耶和華──阮的上帝。

26

阮的精牲也著及阮去，連一隻也呣留；因為阮著對彼中間取伊，來服事耶和華──阮的上帝。閣阮猶未到遐，呣知著用甚麼服事耶和華。」

27

總是耶和華互法老的心硬，呣肯互去。

28

法老給摩西講：「你著離開我去，你著謹慎家己，呣通閣見我的面！因為你見我的面彼日你會死！」

29

摩西講：「你按呢講好！我無欲閣見你的面啦。」