出埃及記 第 12 章 - 台語漢字羅馬本

1
耶和華佇埃及地對摩西、亞倫講:
2
「此月著做恁的正月,做年年的頭一月。
3
恁著對以色列的全會講:本月初十日,逐人著照老父的家取羊仔,一家一隻。
4
若是一家的人甚少,一隻羊仔食了,伊著及隔壁的厝邊照人額相及取一隻。恁備辦羊仔,著按算逐人所會食的量。
5
恁的羊仔著無瑕疵的、未滿年的羊仔,恁著對綿羊中,抑是山羊中取伊,攏通。
6
恁著留到本月十四日,黃昏的時,以色列全會的眾人著羊仔。
7
著取淡薄血,抹佇食羊仔彼間厝雙旁的門 及門楣。
8
彼暝著食羊仔的肉;用火伊,及無酵餅苦菜參食。
9
呣通生生食,決斷呣通用水煮,著用火,頭、腳、及五臟,攏著食。
10
攏呣通留過早起;若留到過早起,著用火燒。
11
恁著按呢食伊,腰縖帶,腳穿鞋,手抬柺仔,也著趕緊食;這是耶和華的過節。
12
因為彼暝我欲遍行埃及地,拍死埃及地一切頭上生的,無論人及精牲,閣欲審判埃及一切的上帝。我就是耶和華。
13
此個血佇恁所徛起的厝欲做恁的記號;我一下看見此個血,就對恁過去。我拍埃及地的時,災禍無到佇恁來滅恁。」
14
「恁著用此日做紀念,守伊做耶和華的節,恁著代代守此個節做永遠的例。
15
恁著食無酵餅七日久。頭一日著對恁逐間厝除去酵;因為對頭一日,到第七日,凡若食有酵的,欲對以色列中除去。
16
頭一日恁著有聖會,七日也著有聖會。此二日,除去備辦逐人所著食的以外,無論甚麼工攏呣通做。
17
恁著守無酵節,因為我扺扺佇彼日導恁的軍隊對埃及地出來。所以,恁著守此日,逐世代做永遠的例。
18
對正月十四下昏,到二一下昏,恁著食無酵餅。
19
佇恁逐間厝,七日內呣通有酵;因為見若食有酵的物,無論是寄腳的,抑是本地的,彼人著對以色列會中除去。
20
有酵的物,恁攏呣通食;佇恁一切徛起的所在著食無酵餅。」
21
摩西就叫以色列眾長老來,給講:「恁逐人著照家口取羊仔,伊做過節。
22
恁著提一把的牛膝草,搵盆內的血,用盆內的血抹門楣及雙旁的門豎。恁無論甚麼人呣通對伊的厝出門,直到明仔早起。
23
因為耶和華欲遍行拍死埃及人,伊看見血佇門楣及雙旁的門豎,耶和華就欲過彼個門,呣准滅生命的入恁的厝,來拍死恁。
24
此個事,恁著守伊,做恁及恁的子孫永遠的例。
25
後來,恁到耶和華照伊所應允賞賜恁彼個地,就著守此個禮。
26
恁的子兒若問恁:『為啥事行此個禮?』
27
恁就著講:『這是耶和華過節的祭。當以色列人佇埃及的時,伊拍死埃及人,過以色列人的厝,救咱逐家。』」對按呢百姓俯頭敬拜。
28
以色列人就去按呢行,耶和華所吩咐摩西、亞倫的照按呢行。
29
到半暝,耶和華將埃及地所有的大子,就是對坐位的法老的大子,到監犯的大子,以及頭水生的精牲,一盡死。
30
法老及一切的人臣,及埃及的眾人,暝時攏起來。佇埃及有大啼哭的聲,因為無一家無死人。
31
法老透暝召摩西、亞倫,講:「起來!及以色列人著對我的百姓中間出去,照恁所講的,去服事耶和華!
32
也照恁所講的,連羊群牛群帶帶去!也著給我祝福。」
33
埃及人迫百姓,教緊緊出的地,講:「阮攏死啦。」
34
百姓就提無酵的生麵,將摶麵的器具包佇衫內,背佇肩頭頂。
35
以色列人照摩西的話行,對埃及討銀器、金器及衣裳。
36
耶和華互百姓得著恩典佇埃及人的面前,照所討的互。對按呢搶埃及人。
37
以色列人對蘭塞去疏割;除囝仔以外,步行的大人約有六十萬。
38
閣有多多雜族的人,也有羊群牛群多多精牲,及上去。
39
用埃及帶出來的生麵做無酵餅。無發酵是因為受迫出埃及,會延延得,也無為家己備辦甚麼食物。
40
以色列人出外佇埃及四百三十年。
41
到四百三十年滿抵抵彼日,耶和華的軍隊攏對埃及地出來。
42
此暝著為耶和華守伊;因為伊導出埃及地,這是耶和華的暝,是以色列眾人代代所著守的。
43
耶和華對摩西、亞倫講:「過節的例是按呢:外邦人攏呣通食伊。
44
獨獨逐人用銀買的奴僕,已經給伊行割禮就通食。
45
寄腳的及倩工人攏呣通食。
46
著佇一間厝食伊;一塊肉也呣通帶出厝外。伊的骨一支也呣通拍折。
47
以色列全會攏著守伊。
48
若有外族人出外佇恁中間,愛守過節來服事耶和華,伊所有的查甫人著受割禮,然後伊通來守,就及本族的人無各樣;總是無受割禮的人,攏呣通食伊。
49
本族的人及外族的人出外佇恁中間,攏同一樣的例。」
50
以色列眾人就按呢行,照耶和華所吩咐摩西、亞倫的去做。
51
當彼日,耶和華導以色列人照的軍隊,出埃及地。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!