以西結書 第 30 章 - 台語漢字羅馬本

1
耶和華的話臨到我講:
2
「人子啊,你著宣傳講,主耶和華按呢講:慘啊此日!恁著啼哭。
3
因為日近啦,就是耶和華的日近啦,就是密雲的日,欲做列國的時期。
4
欲有刀劍臨到埃及;佇埃及受的人倒落去的時,古實人就有痛苦,欲掠伊的眾人,拆毀伊的地基。
5
古實、弗、路德、參插的百姓,及古巴,以及同盟的國的百姓攏欲及相及倒佇刀下。」
6
耶和華按呢講:扶助埃及者亦欲倒。伊勢力的驕傲欲降低;對色弗尼的塔起,攏欲佇遐倒佇刀下。這是主耶和華講的。
7
欲佇冷靜的地的中間來做冷靜;伊諸個城亦欲列佇諸個荒廢的城的中間。
8
當我放火佇埃及;見若幫助伊者,攏受滅無。彼時,就知我是耶和華。
9
「到彼日,欲有使者對我的面前搭船出去,互安然徛起的古實人驚惶;欲有痛苦臨到,親像埃及的日一樣。看啊,代誌來啦!
10
主耶和華按呢講:我欲用巴比倫王尼布甲尼撒的手,滅埃及的眾人。
11
伊及隨伊的人,就是列國中強暴的,欲來毀滅此個地。欲拔刀攻擊埃及,互遍地有受的人。
12
我欲互許個江河乾,亦欲用彼個地賣互歹人的手;我欲用外邦的手,互彼個地及其中所有的變做冷靜。這是我耶和華講的。
13
主耶和華按呢講:我欲毀滅許個偶像,對羅弗除滅神佛;的確無閣有君王對埃及地出。我欲降落驚惶佇埃及地。
14
我欲互巴忒羅冷靜,放火佇瑣安的中間,行審判的事佇羅的地方。
15
我欲傾出我的大受氣佇汛,就是埃及的衛所,亦欲滅羅的眾人。
16
我欲放火佇埃及,汛欲抵著大痛苦;羅欲抵著攻破;羅弗當頭白日抵著對敵。
17
亞捫及比伯實的少年人欲倒佇刀下;欲互人掠去。
18
我佇答比匿遏折埃及諸個軛,互伊因為勢力的驕傲息佇伊的中間。彼時,佇遐日黑暗;論到此個城,欲有密雲遮蓋,伊中間的查某子欲互人掠去。
19
我欲按呢審判埃及,就知我是耶和華。」
20
十一年正月初七,耶和華的話臨到我講:
21
「人子啊,我已經遏折埃及王法老的手骨;無包伊的傷無糊藥,無紮布料,通互伊有力抬刀。
22
所以主耶和華按呢講:看啊,我及埃及王法老做對敵,欲將伊二支手骨,勇者、受遏折者,欲做一下遏折,互刀對伊的手磕落。
23
我欲將埃及人分散佇列國,四散佇列邦。
24
我欲互巴比倫王的手骨有力,將我的刀交佇伊的手;我欲遏折法老的手骨,伊欲佇伊的面前譆譆孱,親像受死傷的人譆譆孱。
25
我欲扶巴比倫王的手骨,法老的手骨欲垂落去;我將我的刀交佇巴比倫王的手,伊欲伸出彼支刀佇埃及地,彼時就知我是耶和華。
26
我欲將埃及人分散佇列國,四散佇列邦;就知我是耶和華。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!