加拉太書 第 6 章 - 台語漢字羅馬本

1

兄弟啊，若有人無張持陷落罪過，恁屬佇神的人著用溫柔的心神歸正伊；也著家己關防驚了恁也抵著試。

2

恁逐人的重擔著相共擔，用按呢，來盡基督的法。

3

無，也家己掠做有的，是騙家己。

4

逐人著省察家己的所行；就有通誇口的在佇本身，無在佇別人，

5

因為逐人欲擔伊家己的擔。

6

學習道理的，著將逐項好物互教示伊的相及有份。

7

莫得家己錯誤，上帝侮慢得。因為人所撒的是甚麼，伊也欲收彼號。

8

為著家己的肉體撒的，欲對肉體來收成敗壞；為著聖神撒的，欲對聖神來收成永活。

9

咱行好，呣通失志；因為若無折站，到期會收成。

10

所以，猶有機會咱著行好佇眾人，佇許個對信成做一家的人閣卡著致意。

11

恁看我親手寫互恁的字到即大！

12

見若愛用肉體妝飾好看的，勉強恁受割禮，無呣是愛免得為著基督的十字架受窘逐。

13

因為受割禮，連家己也無守律法；獨獨愛恁受割禮，互通佇恁的肉體誇口。

14

若是我斷斷呣誇口別項，只有誇口咱的主耶穌基督的十字架若定；對此個，就世間向我釘十字架，我向世間也是按呢。

15

因為受割禮無受割禮攏無要緊，要緊就是做新創造的人。

16

見若照此個準繩來行的，願平安、憐憫到佇，也到佇上帝以色列的百姓。

17

今了後，人呣通攪擾我，因為我的身軀有帶耶穌的痕跡。

18

兄弟啊，願咱的主耶穌基督的恩典及恁的心神佇。阿們！