何西阿書 第 1 章 - 台語漢字羅馬本

1
當烏西雅、約坦、亞哈斯、希西家相續做猶大王、約阿施的子耶羅波安做以色列王的時,耶和華的話臨到備利的子何西阿。
2
耶和華起頭對何西阿講的話是按呢,耶和華對何西阿講:「你著去娶淫婦做某,也得著對淫亂所生的子;因為此個地方大行淫亂,離開耶和華。」
3
對按呢,伊就去娶德拉音的查某子歌蔑。婦仁人懷孕,給伊生一個子。
4
耶和華對伊講:「給伊名叫耶斯列;因為閣霎仔久,我欲辦耶戶的家佇耶斯列人流血的罪,也欲互以色列家的國無去。
5
到彼日,我欲佇耶斯列平洋遏折以色列的弓。」
6
婦仁人閣懷孕生一個查某子,耶和華對何西阿講:「給伊號名羅路哈瑪;因為我無欲閣憐憫以色列家,決斷無赦免。
7
總是我欲憐憫猶大家,用耶和華──的上帝救,呣是用弓、用刀、用交戰、用馬,及用馬兵來救。」
8
羅.路哈瑪斷奶了後,婦仁人閣懷孕生一個子。
9
耶和華講:「著給伊號名叫羅.阿米;因為恁呣是我的百姓,我也呣做恁的上帝。」
10
總是,以色列的人額欲親像海沙,量得,算得。前佇甚麼所在對講「恁呣是我的百姓」,將來佇遐欲對講「恁是永活上帝的子」。
11
猶大人及以色列人欲相及聚集,為家己設立一個頭人,對此個地上去,因為耶斯列的日欲做大的日。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!