以賽亞書 第 10 章 - 台語漢字羅馬本

1
有災禍啊!許個設立不義的律例者及記載奸詐的判詞者,
2
枉屈喪鄉人的案件,搶奪我的百姓中困苦的人的情理,用寡婦準做所搶的物,用孤兒準做所劫的物。
3
當降刑罰的日,有災禍對遠遠臨到,彼時,恁欲怎樣?恁欲走去求甚麼人救恁啊?恁的財寶欲留佇甚麼所在?
4
只有屈身佇受掠的人的下面,倒佇受的人的下面。雖然按呢,耶和華的受氣猶未消;伊的手猶原伸。
5
有災禍啊,亞述是我受氣的槌,手中抬我的痛恨做柺。
6
我欲差伊攻擊邪惡的邦國,吩咐伊攻擊我所受氣的百姓,搶伊所搶的,掠伊所掠的,將 踏,親像街路的土糜一樣。
7
總是,伊呣是此號意思;伊的心亦呣是此個打算。伊的心內反轉想毀滅,剿滅多多國。
8
因為伊講:我的人臣豈無攏是王嗎?
9
迦勒羅豈呣是親像迦基米施嗎?哈馬豈呣是親像亞珥拔嗎?撒瑪利亞豈呣是親像大馬色嗎?
10
我的手已經到偶像的國;雕刻的偶像贏過耶路撒冷及撒瑪利亞的偶像。
11
我怎樣款待撒瑪利亞及其中的偶像,豈照按呢款待耶路撒冷及其中的偶像嗎?
12
主佇錫安山及耶路撒冷成伊一切所做者的時,講:「我欲刑罰亞述王心驕的行做及伊目頭高的榮光。」
13
因為伊講:我所成的事是用我的手的能力及我的智慧,我本有聰明。我移徙列國的地界,搶的財寶;閣我親像勇士,互坐高位的降做低。
14
我的手提著列國的財寶,親像提鳥仔巢;我得著全地,親像拾著所放拺的鳥仔卵。無有撇翅的;無有開嘴的,無有哮叫的。
15
今斧頭豈會對用伊來剉柴者家己誇口嗎?鋸仔豈會對彼個拖鋸者家己品嗙嗎?這是親像槌仔運轉彼個抬伊者,親像柺仔抬起彼個呣是柴者。
16
因為按呢,主──萬軍的主,欲互伊肥的變做瘦,佇伊榮光的下面欲有火起來,親像火燒一樣。
17
以色列的光欲做火;伊的聖者欲做火焰。佇一日的中間,將伊的莿帕及蒺藜燒了了;
18
閣將伊的樹林及肥地的榮光,對神魂到肉體攏燒滅伊,勢面親像破病人漸漸衰敗。
19
伊的樹林剩的樹無幾欉,囝仔亦會記伊的數額。
20
到彼日,以色列所剩的及雅各家所逃脫的,無閣倚靠彼個拍的,是欲誠實倚靠耶和華──以色列的聖者。
21
所剩的,欲倒轉來,就是雅各家所剩的,歸佇全能的上帝。
22
以色列啊,你的百姓雖然多親像海沙,只有剩的倒轉來。衰敗的事已經定著,用公義來充滿。
23
因為主──萬軍的耶和華佇全地中欲行所定著的滅無。
24
所以,主──萬軍的耶和華按呢講:「徛起錫安我的百姓啊,亞述雖然用槌拍恁,閣親像埃及的款抬枴仔攻擊你,你呣免驚伊。
25
因為閣霎仔久,受氣就欲明白,閣我的受氣欲對的滅無來息。
26
萬軍的耶和華欲抬起鞭來拍伊,親像佇俄立的石磐拍米甸。伊的柺仔欲伸佇海頂,伊欲抬起,親像佇埃及一樣。
27
到彼日,亞述的重擔欲離開你的肩頭;伊的軛欲離開你的頷頸;伊的軛也欲因為抹油的緣故來毀壞。」
28
亞述到亞葉,經過米磯崙,放行李佇密抹。
29
經過隘口,佇迦巴歇暝。拉瑪人驚惶;掃羅的基比亞人逃走。
30
迦琳徛起的百姓啊,著大聲喉叫!萊煞的人啊,著俯耳孔!慘啊!困苦的亞拿突啊!
31
瑪得米那人閃避;基柄徛起的百姓逃走。
32
彼日,伊紮兵佇羅伯,比手向錫安城的山──就是耶路撒冷的山頭。
33
看啊,主──萬軍的耶和華用互人驚的威嚴來剉樹枝;長的欲受剉,高的欲降低。
34
艷的樹林,伊欲用鐵器剉伊;閣黎巴嫩欲對大權能者來倒落去。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!