以賽亞書 第 19 章 - 台語漢字羅馬本

1
論埃及的默示:看啊,耶和華坐緊緊的雲,臨到埃及。埃及的偶像佇伊的面前愕愕惙;埃及人的心佇內面消溶。
2
我欲激動埃及人攻擊埃及人──兄弟攻擊兄弟,厝邊攻擊厝邊;城攻擊城,國攻擊國。
3
埃及人的心神欲佇內面失膽;我欲敗壞的計謀。欲求偶像及唸咒的、做童乩的、行邪術者。
4
我欲將埃及人交佇殘忍的主的手;強暴的王欲管轄。這是主──萬軍的耶和華講的。
5
海中的水欲絕斷,河水欲消無乾去。
6
江河欲變臭味;埃及的河水欲減少焦啦去。蘆葦及蘆竹攏枯焦。
7
河邊及河口的草埔,以及河邊所栽種的,攏枯焦,受掃除,無去。
8
討漁者欲啼哭。放釣佇河裡的欲悲傷;拋網佇水裡的欲衰敗。
9
織幼苧的及織白布的攏欲見誚;
10
國家的柱石欲抵著拍碎,所有的倩工人,心欲煩惱。
11
瑣安的首領極其愚戇;法老大智慧的謀士,所計劃的成做愚蠢。恁豈可敢對法老講:我是智慧人的子孫,我是先王的子孫?
12
你的智慧的人佇叨落?萬軍的耶和華論埃及所定著的旨意,通來知,通給你講啦!
13
瑣安的首領攏變做戇;羅弗的首領攏受迷惑。埃及支派厝角頭的石,導伊的百姓佇迷路。
14
耶和華用乖謬的神參入佇中間;致到導埃及一切所行的攏差錯,親像食酒醉的人嘔吐的時東倒西歪一樣。
15
埃及的中間,無論頭及尾,棕枝及蘆葦,所做的工無一項會成。
16
到彼日,埃及欲親像婦仁人一樣,閣欲驚惶愕愕惙,因為萬軍的耶和華的手的舞弄,就是伊佇的頂面所舞弄的。
17
猶大地欲做埃及所驚惶的,見若對伊講起猶大地,伊就驚惶。這是萬軍的耶和華對佇埃及所定著的旨意。
18
當彼日,埃及地欲有五個城講迦南的腔口,閣指萬軍的耶和華來咒誓。欲有一個稱做「滅無的城」。
19
當彼日,佇埃及地的中間欲為著耶和華起一座壇;佇埃及的邊界欲為耶和華 一支柱。
20
這攏欲佇埃及地為萬軍的耶和華做記號及證據。埃及人因為受人的制壓哀求耶和華,伊就差一位拯救者就是有才能者,來拯救。
21
耶和華欲互埃及人識伊。佇彼日,埃及人的確識耶和華,亦欲獻祭物及禮物敬拜伊,閣對耶和華下願謝願。
22
耶和華欲拍埃及,亦拍亦醫治伊,欲歸向耶和華。伊欲聽的祈禱,來醫治。
23
當彼日,欲有大路對埃及透到亞述。亞述人欲入埃及,埃及人亦欲入亞述;埃及人欲及亞述人相及服事耶和華。
24
當彼日,以色列欲及埃及參亞述三個平列,互地上的人得著福氣;
25
因為萬軍的耶和華賜福,講:「埃及──我的百姓,亞述──我的手所造的,以色列──我的產業,攏有福氣!」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!