以賽亞書 第 4 章 - 台語漢字羅馬本

1

佇彼日，七個婦仁人欲擒一個查甫人，講：「阮食家己的米糧，穿家己的衣裳，獨獨求你准阮歸佇你的名；來除去阮的見誚。」

2

到彼日，耶和華所發生的芛欲娞閣榮光，土地的出產欲做以色列逃脫的人的榮光體面。

3

凡若留佇錫安、存佇耶路撒冷，記載佇耶路撒冷應該得著活的人，攏欲稱做聖。

4

就是佇主用審判的神、燒毀的神，洗除錫安查某子的污穢，清氣耶路撒冷中人流血的時。

5

耶和華欲佇錫安山遍地，及伊許個會的頂面，日時起雲及煙，暝時有火焰的光。因為佇攏總榮光的頂面的確有遮蓋。

6

欲有亭仔，日時通做蔭影來閃避熱，也通做逃閃匿身的所在，閃避狂風大雨。