以賽亞書 第 61 章 - 台語漢字羅馬本

1

主耶和華的神臨到我；因為耶和華用油抹我，互我傳福音互喪鄉的人，差我醫好傷心的人，報告受掠的得著解放，受關的出監牢；

2

報告耶和華歡喜的年，及咱的上帝報讎的日；安慰一切悲哀的人，

3

佇錫安悲哀的人用花帽賞賜伊，來替火灰；歡喜的油來替悲哀；謳咾的衫來替憂愁的心；互稱做「公義的樹」，就是耶和華所栽的，來顯明家己的榮光。

4

欲起造古早拋荒的所在，建立早前冷靜的位處，也欲修理拋荒的城，就是代代冷靜的位處。

5

外面人欲起來顧恁的羊群；外邦人欲給恁作田，照顧恁的葡萄園。

6

總是恁欲稱做耶和華的祭司；人欲稱恁做咱的上帝的差用。恁欲食用列國的財物，得著的榮光來誇口。

7

恁欲得著加倍的福氣，來替所受的見誚；欲歡喜佇所得著的份額，來替所受的凌辱。所以佇境內欲得著加倍的產業；永遠的快樂欲歸互。

8

因為我──耶和華愛公平，怨恨不義的搶劫；我欲照誠實報應，也欲及立永遠的約。

9

的後裔欲佇列國中互人識伊；的子孫佇眾百姓中也是按呢。見若看見者欲認是耶和華賜福的後裔。

10

我因為耶和華大大歡喜；我的心神因為我的上帝就快樂。因為伊用拯救做衫給我穿，用公義做袍給我，親像新子婿戴娞的帽，閣親像新娘妝飾寶物。

11

因為土地怎樣互百項的五穀發芽，園怎樣互所種的發生，主耶和華也欲按呢互公義及謳咾發生佇萬國的面前。