士師記 第 21 章 - 台語漢字羅馬本

1
以色列人佇米斯巴曾咒誓講:「阮中間無一人欲用查某子嫁互便雅憫人。」
2
百姓來到伯特利,佇遐坐佇上帝的面前到下昏,出聲大啼哭,
3
講:「耶和華──以色列的上帝啊,今仔日佇以色列中減一支派,以色列中啥事有此個事啊?」
4
隔日天光早,百姓起來,佇遐起一座壇,獻燒祭及平安祭。
5
以色列人講:「佇以色列眾支派中,是誰無及會眾上去耶和華遐?」因為大咒誓講,見若無上米斯巴到耶和華的面前的,著互伊死。
6
以色列人為著的兄弟便雅憫人退悔,講:「今仔日以色列中絕一支派啦。
7
咱已經指耶和華來咒誓,無欲用查某子嫁,今就所剩的人,咱欲對叨落互有某啊?」
8
閣講:「以色列諸個支派中叨落一個無上米斯巴到耶和華遐?」就查出基列雅比無一人到營內會眾遐;
9
因為點算百姓的時,許個徛起佇基列雅比的人無一個佇遐。
10
會眾就差一萬二千大力的勇士,吩咐講:「恁去用刀死徛起佇基列雅比的人以及婦仁人囝仔。
11
恁所著行的就是按呢:著將一切的查甫人及許個曾及查甫人同房的查某人一盡死。」
12
佇基列雅比人的中間,抵著四百個未及查甫人同房的在室女,就帶到迦南地示羅的軍營。
13
全會差人給臨門石磐的便雅憫人講,用和平的話報。
14
彼時便雅憫人倒來,以色列人就將所留互伊活基列雅比的查某囝仔嫁互,猶久無夠額。
15
百姓為著便雅憫人就退悔,因為耶和華互以色列支派缺一角。
16
會中的長老講:「便雅憫中的婦女已經剿滅,今就所剩的人咱欲對叨落互有某啊?」
17
閣講:「便雅憫逃走的人猶原著有業互,免得以色列中絕一支派。
18
總是咱會將家己的查某囝仔互做某;因為以色列人曾咒誓講,用查某子嫁互便雅憫人的,著受咒詛。」
19
閣講:「佇利波拿的南勢,伯特利的北勢,就是對伯特利去示劍大路東勢的示羅,逐年有耶和華的節期」;
20
就吩咐便雅憫人講:「恁著去,匿佇葡萄園中。
21
若看見示羅的查某囝仔出來跳舞,恁著對葡萄園出來,佇示羅的女子中逐人搶一個做某,倒去便雅憫地。
22
的父兄若來對阮告訴,阮欲對講:『請恁帶著阮,來恩典,因為前交戰的時無留查某囝仔互逐人做某。今也呣是恁互;若是恁就有罪。』」
23
便雅憫人就照按呢行,照的人額對跳舞的查某囝仔中所掠的娶做某,就倒去本地,閣起城來徛起遐。
24
彼時以色列人離開遐,逐人倒去的支派、伊的宗族、對遐出來逐人倒去本地。
25
當彼時,以色列中無王,逐人照伊所看做著的來行。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!