馬太福音 第 13 章 - 台語漢字羅馬本

1
當彼日,耶穌對厝內出去,坐佇海邊。
2
有多多陣的人聚集就近伊,致到伊上船來坐,歸陣的人攏徛佇岸裡。
3
就用多多項設譬喻給講:「你看,有撒種的出去撒種;
4
撒的時,有的磕落佇路邊,飛鳥到一盡食伊;
5
有的磕落佇石的地,土淺的位,因為土無深,就發真緊,
6
若是日出曝伊,因為無根就枯焦;
7
亦有的磕落佇茦仔內,茦仔發起,遮蔽伊;
8
有的磕落佇好的土地,結實,有的百倍,有的六十倍,有的三十倍。
9
有耳孔的,著聽!」
10
學生就近伊講:「你用譬喻給講是怎樣?」
11
伊應講:「天國的奧妙互恁知,亦無互。
12
因為見若有的,欲互伊,就伊有剩;無的,連伊所有的,亦欲搶伊。
13
所以我用譬喻給講,因為看亦看無見,聽亦聽無現,亦無曉悟。
14
以賽亞所讖語的,是應驗佇,講:恁聽是欲聽,若是決斷無曉悟;恁看是欲看,若是決斷看無見;
15
因為此個百姓心鈍,耳孔重,的目睭放瞌,驚了用目睭看見,用耳孔聽見,用心曉悟,來越輪轉,我就醫好。
16
「若是恁的目睭有福氣,因為看見;恁的耳孔有福氣,因為聽見。
17
因為我實在給恁講,前有多多先知及義人愛看恁所看見的,亦無看見,愛聽恁所聽見的,亦無聽見。」
18
「今此個撒種子者的譬喻恁著聽。
19
見若聽天國的道理也無曉悟的,彼個歹者就到,將所撒佇伊的心的搶去;這是撒佇路邊的。
20
撒佇石的地的,這是人聽道理,連鞭歡喜承受伊,
21
總是內面無根,不過是暫時若定,到為著道理抵著有患難、窘逐,連鞭著觸。
22
撒佇莿仔內的,這是人聽道理,亦世間的掛慮、錢財的迷惑遮蔽彼個道理,就無結實。
23
撒佇好土地的,這是人聽道理來曉悟,伊實在結實,所結的,有的百倍,有的六十倍,有的三十倍。」
24
閣設譬喻對講:「天國親像人撒好種子佇伊的園,
25
人睏的時,伊的仇讎來,撒稗佇麥中就去。
26
到麥發起來續結穗的時,稗亦出現。
27
家主的奴僕來給伊講:『頭家啊,你豈呣是撒好種子佇你的園嗎?對叨落有稗?』
28
伊給講:『這是仇讎做的。』奴僕給伊講:『你愛阮去薅伊嗎?』
29
伊就講:『無,驚了恁薅稗,連麥續拔起來。
30
容允二項平平大欉,聽候收割。到收割的時,我欲給割的講,代先拾許個稗,縖歸把通燒伊;獨獨麥著收入我的粟倉。』」
31
閣設譬喻對講:「天國親像一粒芥菜子,人提去撒佇伊的園。
32
此個是百項種子的第一細,到伊大欉,是卡大攏總的菜蔬,續成做樹,致到空中的鳥來歇佇伊的枝。」
33
閣用譬喻給講:「天國親像酵,婦仁人提去,囥佇三斗麵粉的內面,到攏發酵。」
34
諸個攏是耶穌用譬喻給眾人講;若呣是用譬喻,就無所給講。
35
來應驗早託先知所講的,講:我欲開嘴設譬喻,闡明創造世間以來所隱密的。
36
彼時,耶穌互眾人四散,才入厝。伊的學生就近伊,講:「園的稗仔的譬喻給阮解明。」
37
伊應講:「撒好種子的是人子;
38
園就是世間;好種子的就是天國的子;稗就是歹者的子;
39
撒稗的仇讎就是魔鬼;收割的時是世界的路尾;割的就是天使。
40
所以親像拾稗仔來用火燒,佇世界的路尾亦欲按呢。
41
人子欲差伊的天使對伊的國內收拾見若互人著觸的及做不法的,
42
佇火爐;佇遐欲有啼哭咬牙切齒。
43
彼時,義人欲發出光親像日,佇的父的國。有耳孔的,著聽!」
44
「天國親像寶貝囥佇園裡,人抵著就囥密伊,因為歡喜才去賣一切所有的,來買彼區園。
45
閣天國親像生理人尋好的珠,
46
抵著一粒不止值錢的,就去賣一切所有的,來買伊。
47
閣天國親像網拋佇海裡,聚集逐類的水族,
48
已經滿,就拖上坪,坐,拾好的入器具,呣好的擲佇外面。
49
世界的路尾亦欲按呢。諸個天使欲出來,對義人的中間來分別歹人,
50
佇火爐;佇遐欲有啼哭咬牙切齒。」
51
「諸個恁攏會曉得?」講:「會。」
52
伊給講:「所以見若經學士做天國的學生的,是親像家主對伊的庫房提出新舊的物的。」
53
耶穌已經講諸個譬喻明白,就離開遐。
54
到伊的本鄉,佇的會堂教示,致到卬愕,講:「此人對叨落得著此個智慧,及諸個權能啊?
55
此個豈呣是木匠的子嗎?伊的老母豈呣是叫做馬利亞?伊的兄弟雅各、約瑟、西門、猶大嗎?
56
伊的姊妹豈無攏及咱佇遮嗎?按呢此人對叨落得著諸個一切啊?」
57
就厭賤伊。若是耶穌給講:「先知人佇本鄉本家以外,無呣尊貴。」
58
耶穌佇遐無行多多權能,因為無信伊。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!