馬太福音 第 16 章 - 台語漢字羅馬本

1
法利賽及撒都該人來試耶穌,請伊用對天的神蹟互看。
2
若是伊應講:「下昏時,恁講:『會好天啦。』因為天色紅。
3
亦早起時,恁講:『今仔日有風雨。』因為天色黑眑。恁會曉分別天色,獨獨分別諸個時的神蹟。
4
惡毒姦淫的世代求神蹟,獨獨約拿的神蹟以外,無欲神蹟互伊。」就離別去。
5
學生過去彼旁,記得帶餅。
6
耶穌給講:「著謹慎持防法利賽及撒都該人的酵。」
7
學生相及議論講:「是咱無帶餅哦。」
8
耶穌知,就講:「小信的人啊,啥事因為無餅相及議論啊?
9
恁猶久曉得?亦記得五千人食五個餅、恁拾幾筐啊?
10
亦四千人食七個餅、恁拾幾籃啊?
11
恁怎樣曉得我所給恁講的,呣是指餅,『獨獨著持防法利賽及撒都該人的酵。』」
12
才會曉得伊所講的呣是持防餅的酵,就是法利賽及撒都該人的教。
13
耶穌已經到該撒利亞腓力比的境界,問伊的學生講:「人講人子是是誰?」
14
講:「有的講是行洗禮的約翰;有的講是以利亞;閣有的講是耶利米抑是先知人的一個。」
15
伊就給講:「若是恁講我是是誰?」
16
西門彼得應講:「你是基督,真活上帝的子。」
17
耶穌應伊講:「西門巴約拿,你有福氣啊!因為血氣肉體的無指示你,就是我佇天裡的父指示你。
18
我閣給你講,你就是彼得,佇此個石盤頂我欲起造我的教會;陰府的關隘也贏伊。
19
我欲用天國的鎖匙互你,見若你佇地裡縛的,佇天裡亦欲縛伊;見若你佇地裡放的,佇天裡亦欲放伊。」
20
彼時,就禁戒學生,莫得給人講伊是基督。
21
對彼霎起,耶穌才指示伊的學生知,伊著去耶路撒冷,對諸個長老、祭司頭、經學士受著多多苦楚,閣受害死,第三日復活。
22
彼得牽伊,責備伊講:「主啊,千萬呣通!此個決斷無欲到佇你。」
23
耶穌越轉身,給彼得講:「撒但,退去我的後面!你是我的塞礙;因為你所想呣是上帝的事,是人的事。」
24
彼時耶穌給伊的學生講:「人若愛隨我,著看無家己,夯伊的十字架來隨我。
25
因為,見若愛救伊的生命的,欲失落伊;見若為著我來失落伊的生命的,欲得著伊。
26
人若得著全世界,來喪失伊的生命,有甚麼利益?抑是人欲出甚麼來對換伊的生命?
27
因為人子用伊的父的榮光,及伊的天使欲來;彼時,欲照逐人的所行來報應。
28
我實在給恁講,徛佇遮的,有人猶未死,會看見人子佇伊的國來。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!