民數記 第 17 章 - 台語漢字羅馬本

1
耶和華吩咐摩西講:
2
「你給以色列人講,對抬枴仔,逐支派一支;就是對許個支派的首領,共抬十二支。你寫逐人的名佇伊的枴仔,
3
佇利未彼支枴仔著寫亞倫的名,因為逐支派的頭人攏有一支枴仔。
4
你著將許個下佇會幕內法櫃的頭前,就是我及恁相會的所在。
5
我所揀彼人,伊的枴仔欲發芽。按呢,我欲互以色列人哀怨的話就是所哀怨恁的話攏息,無閣互我聽見。」
6
摩西就給以色列人講,的首領就用枴仔交互伊,照的支派一個首領一支;一個首領一支,共十二支柺仔;亞倫的枴仔也佇許個枴仔的中間。
7
摩西就將許個柺仔下佇法櫃的布棚內,佇耶和華的面前。
8
明仔日,摩西入去法櫃的布棚。看啊,屬利未的家亞倫的枴仔已經發芽,生花苺,開花,結成杏仁。
9
摩西對耶和華的面前抬許個枴仔出來,到以色列的眾人遐;看見,逐人抬的枴仔。
10
耶和華對摩西講:「用亞倫的枴仔猶原下佇法櫃前,留做諸個悖逆的人的的鑑戒。按呢,你就互對我哀怨的話息,免得死無。」
11
摩西按呢行。是照耶和華所命令的來行。
12
以色列人對摩西講:「看啊,阮死啦!阮滅無啦!攏滅無啦!
13
見若倚近就是倚近耶和華的會幕的攏死。阮欲攏總死嗎?」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!