箴言 第 25 章 - 台語漢字羅馬本

1
以下也是所羅門的箴言,是猶大王希西家的人所抄的。
2
將代誌秘密是上帝的榮光;將代誌查明是君王的榮光。
3
天的高,地的厚,君王的心也查出。
4
除去銀的渣滓,才有器具通互鍛煉的人用。
5
除去王的面前的歹人,伊的國位是對公義來堅固。
6
佇王的面前呣通家己尊大;也呣通徛佇大人的位。
7
卡好有人對你講:請你上來遮,呣通佇你所見王親的面前叫你落去。
8
呣通緊緊出去及人冤家,免得到尾受你的厝邊凌辱的時,你呣知欲怎樣做,
9
你及厝邊計較,著及伊本身分系,呣通露出別人秘密的事,
10
驚了聽見的人會罵你,你的臭名就得脫離。
11
講話合宜,親像金的蘋果下佇銀的籃仔。
12
智慧的人的責備,佇順趁的人的耳孔,親像金的耳及好金的首飾。
13
忠信的使者對佇差伊的,親像收割的時有霜雪的涼冷,因為伊互主人的心快活。
14
無影送物來誇口的,是親像有風有雲也無落雨。
15
長長吞,就官長也受伊苦勸;溫柔的嘴舌會遏折骨頭。
16
你有得著蜜無?食夠額就好,驚了你食過額就吐出來。
17
你的腳呣通捷捷去厝邊的家,驚了伊厭賤你、哏神你。
18
濫糝干證陷害厝邊的人,就是親像槌,及刀,及利箭。
19
患難的時倚靠無忠信的人,親像歹的嘴齒,脫輪的腳,
20
對傷心的人唱歌,親像冬天的時褪衫,閣親像傾醋佇鹼的頂面。
21
你的對敵若枵,著用米糧互伊食;嘴乾,著用水互伊飲;
22
因為你是用熱熱的火炭疊佇伊的頭殼頂;耶和華也欲報賞你。
23
北風會致到落雨,誹謗人的舌會致到人變面。
24
寧可踮佇厝頂的角頭,莫得及吵鬧的婦仁人相及住佇寬闊的厝。
25
有好消息對遠遠來,親像用冷水互嘴乾的人飲。
26
義人佇歹人的面前退讓,親像踏濁的水泉,拍垃墋的井。
27
食蜜多多是呣好;人求家己的榮光算得榮光。
28
人無約束家己的心,是親像毀壞的城無牆。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!