詩篇 第 109 章 - 台語漢字羅馬本

1
〔大衛的詩,交互樂官。〕我所謳咾的上帝啊,求你莫得靜靜。
2
因為歹人的嘴及奸詐的嘴已經展開攻擊我;用白賊的舌對我講話。
3
用怨恨的話,包圍我,閣無因端來攻擊我。
4
我疼,反轉做我的對敵,獨獨我專務祈禱。
5
對我用歹報好,用怨恨報仁愛。
6
願你派一個歹人管轄伊,派一個對敵徛佇伊的正旁!
7
伊受審判的時,願伊出來受定罪!願伊的祈禱變做罪過!
8
願伊的日子短少!願別人得著伊的職!
9
願伊的子兒做孤兒,伊的某做寡婦!
10
願伊的子兒四界去求乞,對拋荒的所在出來討食!
11
願債主用計智取伊一切所有的!願生份人搶伊著磨所得著的!
12
願無人接續施恩互伊!願無人可憐伊的孤兒!
13
願伊的後裔斷絕,的名字受擦滅,無傳佇下代!
14
願伊的祖公的罪惡互耶和華記得!願伊的老母的罪過無得著擦消!
15
願許個罪惡常常佇耶和華的面前,致到伊滅的名佇世間!
16
因為伊無想著欲行憐憫,反轉窘迫彼個喪鄉困苦的人,欲害死許個傷心的人。
17
伊愛咒詛,咒詛就到佇伊;伊呣愛祝福,祝福就離開伊遠遠!
18
伊用咒詛做衫來穿;咒詛就親像水入伊的腹內,親像油入伊的骨。
19
願此個咒詛做伊穿佇身軀的衣服,做伊常常縖的腰帶!
20
這就是我的對敵及用歹話攻擊我的神魂的人,對耶和華遐所受的報應。
21
主──耶和華啊,求你因為你的名好款待我;因為你的慈愛真好,求你牽救我!
22
因為我喪鄉困苦,我的內心受傷。
23
我的歲壽親像日影漸漸斜;我親像草蜢受趕出。
24
我因為禁食,腳頭窩酸軟;我的肉消瘦無潤澤。
25
我受的誹謗,看見我就搖頭。
26
耶和華──我的上帝啊,求你幫助我,照你的慈愛拯救我,
27
互知這是出佇你的手,是你──耶和華所行的事。
28
出在咒詛,求你賜福;起來的時欲抵著見誚,你的奴僕欲歡喜。
29
願我的對敵用凌辱做衫穿!願用的見誚做袍身軀!
30
我欲用我的嘴大大感謝耶和華;我欲佇眾人的中間謳咾伊;
31
因為伊欲徛佇喪鄉人的正旁,欲救伊脫離審判伊的生命的人。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!