詩篇 第 69 章 - 台語漢字羅馬本

1

〔大衛的詩，交互樂官。調是用「百合花。」〕上帝啊，求你救我！因為諸個水欲淹我的生命。

2

我陷落佇深的土糜內，無通徛腳的所在；我到深的水內，大水淹密我。

3

我因為我的喉叫到厭倦，我的嚨喉乾去；我因為聽候我的上帝，目睭花。

4

無因端怨恨我的，卡多我的頭毛；濫糝做我的對敵、欲滅無我的，不止強猛。我所無搶的，我也著還。

5

上帝啊，我的愚戇，你本知；我的罪過無隱瞞佇你。

6

萬軍的主──耶和華啊，求你呣通互許個聽候你的人，為著我來見誚！以色列的上帝啊，求你呣通互許個尋你的人，為著我來受凌辱！

7

因為我為著你的緣故受詈罵，我滿面見誚。

8

我的兄弟看我做過路的人；我的同胞看我做外邦人。

9

因為我為著你的厝，心內親像火，閣詈罵你的人的詈罵攏到佇我。

10

我流目屎，用禁食刻苦我的心；這反轉做我的凌辱。

11

我用麻布做衣裳，人就用我做笑談。

12

坐佇城門者談論我；酒漢用我做歌曲。

13

總是我佇得著接納的時對耶和華──你祈禱。上帝啊，求你照你慈愛的豐盛，照你拯救的真實來應我！

14

求你救我出土糜，互我無沈落去；求你救我脫離怨恨我的人，互我出深的水。

15

求你莫得容允大水淹密我，莫得容允深淵吞我，莫得容允陷坑陷我。

16

耶和華啊，求你應我！因為你的慈愛是好；求你照你慈悲的豐盛越過來看我！

17

呣通掩面呣看你的奴僕；因為我佇患難的中間，求你緊緊來應我！

18

求你親近我的靈魂，來救贖伊！求你因為我的對敵來贖回我！

19

你知我所受的詈罵、見誚、凌辱；我的對敵攏佇你的面前。

20

詈罵已經拆裂我的心，我的憂悶滿滿。我向望人可憐，也無一個；向望人安慰，也尋無一個。

21

提苦膽互我做食物；我嘴乾，用醋互我飲。

22

願的筵桌佇的面前變做羅網，佇平安的時變做活罩。

23

願的目睭黑暗，看見；願你互的腰常常栗栗惙。

24

願你的痛恨傾佇的身上，互你烈烈的受氣著。

25

願徛起的所在變做拋荒；願的布棚無人徛起。

26

因為，你所拍彼個人，就窘迫伊；你所拍傷許個人，搬摘的憂苦。

27

願你佇的罪上加罪，莫得容允有份你的義。

28

願對活命的冊受擦滅，無記佇義人的中間。

29

總是我是困苦憂傷的人；上帝啊，願你的救恩安置我佇高的所在。

30

我欲用詩歌謳咾上帝的名，也欲用感謝稱伊做大！

31

這是互耶和華歡喜，贏過獻牛，抑是獻有角有蹄的牛。

32

謙卑的人看見就歡喜；恁尋上帝的人，願恁的心活起來。

33

因為耶和華聽喪鄉的人，無看輕為著伊受關監的人。

34

願天及地謳咾伊！海及其中一切的動物也著謳咾伊！

35

因為上帝欲救錫安，起造猶大的城；欲徛起佇遐，得著伊做業。

36

伊的奴僕的後裔欲續接伊；疼伊的名的人欲踮佇彼中間。