詩篇 第 94 章 - 台語漢字羅馬本

1
耶和華,伸冤的上帝啊;伸冤的上帝啊,求你顯出光!
2
審判世界的主啊,求你起來,互驕傲的人受應該受的報應!
3
耶和華啊,歹人欲偌久啊?歹人得勝大悅欲偌久啊?
4
隨便講,講出驕傲的話;一切行歹的人攏家己品嗙。
5
耶和華啊,壓制你的百姓,苦楚你的產業。
6
死守寡人及出外人,閣害死孤兒。
7
講:耶和華的確無看;雅各的上帝的確無致意。
8
恁百姓中精牲彼款的人著想;愚戇的人到底時才有智慧啊?
9
安置耳孔者,總無伊無聽見?創造目睭者,總無伊看見嗎?
10
教督列邦的,就是互人得著智識者,總無伊曉辦理人嗎?
11
耶和華知人的心思知是空空。
12
耶和華啊,你所教督、閣用你的律法所教示者,彼個人有福氣!
13
欲互伊佇患難的日得著平安;到佇為著歹人開陷坑的時。
14
因為耶和華的確無棄拺伊的百姓,亦無放離伊的產業。
15
因為審判欲照公義;心正直的人,欲攏隨伊。
16
是誰欲為我起來攻擊歹人?是誰欲為我徛起來攻擊行罪惡的人?
17
若呣是耶和華幫助我,就我的神魂快快踮佇冷靜的中間。
18
我講我的腳著觸,耶和華啊,彼時你的慈愛扶持我。
19
我的心多多憂悶掛慮,你的安慰,就互我的心神快樂。
20
奸惡的座位!假藉律例計謀殘害,豈會及你交通嗎?
21
大家聚集攻擊義人的生命,將無罪的人定死罪。
22
總是耶和華平時做我的高台;我的上帝做我逃閃的石磐。
23
伊互的罪惡歸佇的身上。佇行歹的時,伊欲剿滅;耶和華──咱的上帝欲剿滅。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!