啟示錄 第 21 章 - 台語漢字羅馬本

1
我閣看見有新的天新的地;因為前的天前的地已經過去,海也無閣有。
2
閣看見聖城就是新的耶路撒冷,出佇天,對上帝降落,已經備辦便,親像新娘妝飾來聽候伊的丈夫。
3
閣聽見大聲對座位出講:「上帝的會幕佇人的中間。上帝欲及相及徛起,欲做伊的百姓。上帝本身欲及佇,來做的上帝。
4
閣欲給的目睭拭去攏總的目屎;無欲閣有死失,也無欲閣有哀傷、喉叫、痛疼,前的代誌已經過去。」
5
坐佇座位的講:「我換新萬物!」閣講:「你著寫伊;因為諸個話是通信,是真實。」
6
閣給我講:「已經成啦!我就是阿利法及奧美加;是起頭的,及路尾的。我欲對活命的水泉白白互嘴乾的人飲。
7
得勝的人欲承接諸個:我欲做伊的上帝,伊欲做我的子。
8
若是許個小膽的,呣信的、可惡的、人的、淫亂的、行邪術的、拜偶像的,及攏總白賊的人,的份額是佇彼個用火及硫磺燒的湖;此個就是第二擺的死。」
9
彼七個天使就是有七塊碗、貯滿路尾七項災禍的,其中一個來及我講話,講:「來,我欲報你看新娘,就是羊羔的某。」
10
我就受神的感動,互伊導去一座山大閣高,將聖城耶路撒冷出佇天裡,對上帝降落的報我看。
11
有上帝的榮光;伊的光親像第一寶貝的石,親像碧玉,光亮親像水晶。
12
有牆大閣高,有十二個門,佇諸個門有十二個天使,也有名寫佇門裡就是以色列子孫十二個支派的名。
13
東勢有三個門,北勢有三個門,南勢有三個門,西勢有三個門。
14
城牆有十二個地基,地基頂有羊羔十二使徒的名,十二個。
15
及我講的天使有金的蘆竹做篙尺,欲量彼個城及伊的門伊的牆。
16
城是四方,長闊平平。用蘆竹量城,得著十二千里,長、闊、高攏相同;
17
天使量城牆,得著一百四十四尺,照人的寸尺,就是天使的寸尺。
18
牆用碧玉來起;城是好金的,親像清亮的玻璃。
19
城牆的地基有安逐等號的寶石:頭一個地基是碧玉;第二個是藍玉;第三個是璁玉;第四個是青玉;
20
第五個是紅玉;第六個是瑪瑙;第七個是黃玉;第八個是綠玉;第九個是淺黃玉;第十個是翡翠玉;第十一個是紫色玉;第十二個是赤玉。
21
十二個門是十二粒真珠,諸個門逐個攏是一粒珠做的。城的街路是好金的,親像透底光的玻璃。
22
我無看見城內有殿堂,因為主上帝──全能者及羊羔做伊的殿堂。
23
城無欠用日抑是月來照伊;因為上帝的榮光照伊,羊羔做伊的燈。
24
列邦的人欲倚靠伊的光來行;地上的王欲將的榮光帶來歸佇伊。
25
城門日時攏無關,因為佇遐欲無暝時。
26
人欲用列邦的榮光及尊貴帶來歸佇伊。
27
凡若無清氣的物,以及行可惡白賊的人,決斷得入遐;只有記佇羊羔的活命冊的會得入。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!