耶利米哀歌 第 3 章

1

(THR) In-ūi Chú siū-khì ê kóaiⁿ-á lâi tú-tio̍h kan-khó͘-ê, góa chiū-sī hit ê lâng.

(BCL) 因為主受氣的柺仔，來抵著艱苦者，我就是彼個人。

2

(THR) I chhōa góa, hō͘ góa kiâⁿ tī o͘-àm, bô tī kng-bêng.

(BCL) 伊導我，互我行佇黑暗，無佇光明。

3

(THR) I chin-chiàⁿ thong-jı̍t ta̍uh-ta̍uh chhut-chhiú kong-kek góa.

(BCL) 伊真正通日沓沓出手攻擊我。

4

(THR) I hō͘ góa ê bah kap phê ta-la--khì; I at-chı̍h góa ê kut-thâu.

(BCL) 伊互我的肉及皮焦啦去；伊遏折我的骨頭。

5

(THR) I khí thô͘-tui kong-kek góa, ēng khó͘-to̍k ê mı̍h kap kan-lân ûi-khùn góa.

(BCL) 伊起土堆攻擊我，用苦毒的物及艱難圍困我。

6

(THR) I hō͘ góa tòa tī o͘-àm ê só͘-chāi, chhin-chhiūⁿ sí kú-kú ê lâng chı̍t-iūⁿ.

(BCL) 伊互我住佇黑暗的所在，親像死久久的人一樣。

7

(THR) I ēng lî-pa ûi góa, hō͘ góa cháu bōe chhut, I hō͘ góa ê thih-liān ná tāng.

(BCL) 伊用籬笆圍我，互我走出；伊互我的鐵鍊愈重。

8

(THR) Góa ai-kiò kiû pang-chān ê sî, I hō͘ góa ê kî-tó bōe tit-tio̍h thiaⁿ-kìⁿ.

(BCL) 我哀叫求幫助的時；伊互我的祈禱得著聽見。

9

(THR) I ēng kè-phah ê chio̍h-thâu that-ba̍t góa ê lō͘, I hō͘ góa ê lō͘ oan-khiau.

(BCL) 伊用過拍的石頭塞密我的路；伊互我的路彎曲。

10

(THR) I tùi-tī góa chhin-chhiūⁿ hîm bâi-ho̍k--teh, chhin-chhiūⁿ sai tiàm àm-ba̍t ê só͘-chāi.

(BCL) 伊對敵我親像熊埋伏，親像獅踮暗密的所在。

11

(THR) I hō͘ góa bê-lō͘, kā góa thiah-chhùi; hō͘ góa léng-chēng.

(BCL) 伊互我迷路，給我拆碎，互我冷靜。

12

(THR) I khui-keng, ēng góa chòe chìⁿ-pé.

(BCL) 伊開弓用我做箭靶。

13

(THR) I ēng chìⁿ-tē ê chìⁿ siā-jı̍p góa ê chōng-hú.

(BCL) 伊用箭袋的箭射入我的臟腑。

14

(THR) Góa chiâⁿ-chòe góa ê peh-sìⁿ ê chhiò-pìⁿ; in thong-jı̍t ēng góa chòe koa-khek.

(BCL) 我成做我的百姓的笑柄；通日用我做歌曲。

15

(THR) I ēng khó͘-to̍k ê mı̍h chhiong-móa góa, ēng in-tîn kā góa kòan kàu kiaⁿ.

(BCL) 伊用苦毒的物充滿我，用茵蔯給我灌到驚。

16

(THR) I ēng soa-bú-lia̍p phah-chı̍h góa ê chhùi-khí, ēng hé-hu sám góa ê sin-khu.

(BCL) 伊用沙拇粒拍折我的嘴齒，用火灰摻我的身軀。

17

(THR) Lí hō͘ góa ê sim lī-khui pêng-an hn̄g-hn̄g; góa bōe-kì-tit hok-khì.

(BCL) 你互我的心離開平安遠遠，我記得福氣。

18

(THR) Góa chiū kóng, Góa ê khùi-la̍t soe-pāi, koh góa tī Iâ-hô-hoa hia, lóng bô ǹg-bāng.

(BCL) 我就講：我的氣力衰敗；閣我佇耶和華遐攏無向望！

19

(THR) Kiû lí kì-tit góa ê khùn-khó͘, góa ê kan-lân, chhin-chhiūⁿ in-tîn khó͘-táⁿ.

(BCL) 求你記得我的困苦，我的艱難親像茵蔯苦膽。

20

(THR) Góa ê sim tui-siūⁿ chiah-ê, chiū tī góa ê pak-lāi ut-būn.

(BCL) 我的心追想諸個，就佇我的腹內鬱悶。

21

(THR) Góa ê sim tò-tńg siūⁿ chit ê sū, só͘-í góa ū ǹg-bāng,

(BCL) 我的心倒轉想此個事，所以我有向望，

22

(THR) Góan bô tì-kàu bia̍t-bô, sī tùi Iâ-hô-hoa chiah ê chû-ài; in-ūi I ê lîn-bín bû-kiông-chīn.

(BCL) 阮無致到滅無，是對耶和華諸個慈愛；因為伊的憐憫無窮盡。

23

(THR) Chú ê jîn-chû ta̍k chá-khí ōaⁿ-sin; Lí ê sêng-sı̍t ke̍k-kî khoah-tōa.

(BCL) 主的仁慈逐早起換新；你的誠實極其闊大！

24

(THR) Góa ê sim kóng, Iâ-hô-hoa sī góa ê ki-gia̍p; in-ūi án-ni góa beh ǹg-bāng I.

(BCL) 我的心講：耶和華是我的基業，因為按呢我欲向望伊。

25

(THR) Kìⁿ-nā thèng-hāu Iâ-hô-hoa, chhē-kiû I--ê, I beh si-un hō͘--i.

(BCL) 見若聽候耶和華，尋求伊者，伊欲施恩互伊。

26

(THR) Ǹg-bāng Iâ-hô-hoa ê chín-kiù, chēng-chēng thèng-hāu, che sī hó.

(BCL) 向望耶和華的拯救，靜靜聽候，這是好。

27

(THR) Lâng siàu-liân ê sî pē i ê taⁿ, che sī hó.

(BCL) 人少年的時背伊的軛，這是好。

28

(THR) I tio̍h ka-kī chē, bô chòe-siaⁿ, in-ūi chit ê taⁿ sī Iâ-hô-hoa hē tī i ê sin-chiūⁿ.

(BCL) 伊著家己坐，無做聲，因為此個軛是耶和華下佇伊的身上。

29

(THR) I ê chhùi tio̍h àⁿ tī tîn-ai, kiám-chhái ū ǹg-bāng.

(BCL) 伊的嘴著俯佇塵埃，豈採有向望。

30

(THR) I tio̍h kù-chāi lâng phah chhùi-phóe, móa-móa siū lêng-jio̍k.

(BCL) 伊著據在人拍嘴，滿滿受凌辱。

31

(THR) In-ūi Chú tek-khak bô éng-óan khì-sak lâng.

(BCL) 因為主的確無永遠棄拺人。

32

(THR) Chú sui-jiân hō͘ lâng iu-būn, iáu-kú beh chiàu I pah-poaⁿ ê chû-ài, hoat-chhut lîn-bín.

(BCL) 主雖然互人憂悶，猶久欲照伊百般的慈愛發出憐憫。

33

(THR) I hō͘ lâng siū-khó͘ iu-būn, m̄-sī I só͘ kam-sim.

(BCL) 伊互人受苦憂悶，呣是伊所甘心。

34

(THR) Lâng chiong sè-chiūⁿ siū koaiⁿ-kaⁿ--ê ta̍h tī kha-ē,

(BCL) 人將世上受關監者踏佇腳下，

35

(THR) Á-sī tī Chì-kôaiⁿ--ê ê bīn-chêng un-khut lâng,

(BCL) 抑是佇至高者的面前冤屈人，

36

(THR) Á-sī oan-óng lâng ê àn-kiāⁿ, che sī Chú só͘ bô hoaⁿ-hí.

(BCL) 抑是冤枉人的案件，這是主所無歡喜。

37

(THR) Nā m̄-sī Chú só͘ bēng-lēng, chī-chūi ōe kóng--i chiū-chiâⁿ?

(BCL) 若呣是主所命令，是誰會講伊就成？

38

(THR) Hó-pháiⁿ-tāi kiám-m̄-sī chhut tī Chì-kôaiⁿ--ê ê chhùi mah?

(BCL) 好歹代豈呣是出佇至高者的嘴嗎？

39

(THR) Lâng o̍ah tī sè-kan, in-ūi ka-kī ê chōe-kòa siū hêng-ho̍at, siáⁿ-sū ai-òan?

(BCL) 人活佇世間，因為家己的罪過受刑罰，啥事哀怨？

40

(THR) Lán tio̍h séng-chhat, chhâ-khó lán ê lō͘; koh o̍at-tńg lâi kui Iâ-hô-hoa.

(BCL) 咱著省察查考咱的路，閣越轉來歸耶和華。

41

(THR) Lán tio̍h hiàn-sim kia̍h-chhiú, ǹg thiⁿ-téng ê Siōng-tè.

(BCL) 咱著獻心抬手，向天頂的上帝。

42

(THR) Góan hōan-chōe pōe-ge̍k, Lí bô sià-bián.

(BCL) 阮犯罪悖逆，你無赦免。

43

(THR) Lí ēng siū-khì tà--góan, tui-jip--góan; Lí kiâⁿ châu-bia̍t, ia̍h bô lîn-bín.

(BCL) 你用受氣罩阮，追阮；你行剿滅，亦無憐憫。

44

(THR) Lí ēng ba̍t-hûn jia-khàm ka-kī, tì-kàu kî-tó bōe-ōe thàu-kè.

(BCL) 你用密雲遮蓋家己，致到祈禱會透過。

45

(THR) Lí hō͘ góan tī bān peh-sìⁿ ê tiong-kan chiâⁿ-chòe ù-òe siū khì-sak ê mı̍h.

(BCL) 你互阮佇萬百姓的中間成做污穢受棄拺的物。

46

(THR) Góan ê tùi-te̍k lóng ǹg góan tōa-tōa khui-chhùi.

(BCL) 阮的對敵攏向阮大大開嘴。

47

(THR) Kiaⁿ-hiâⁿ kap hām-khiⁿ, chân-hāi kap húi-bia̍t, lóng kàu tī góan.

(BCL) 驚惶及陷坑，殘害及毀滅，攏到佇阮。

48

(THR) Góa ê peh-sìⁿ ê cha-bó͘-kiáⁿ tú-tio̍h húi-bia̍t, in-ūi án-ni góa lâu ba̍k-sái chhin-chhiūⁿ khoe.

(BCL) 我的百姓的查某子抵著毀滅，因為按呢我流目屎親像溪。

49

(THR) Góa ê ba̍k-chiu lâu ba̍k-sái, bô thêng bô soah,

(BCL) 我的目睭流目屎，無停無息，

50

(THR) Tı̍t-tı̍t thèng-hāu Iâ-hô-hoa àⁿ-lo̍h khòaⁿ, tùi thiⁿ kàm-chhat.

(BCL) 直直聽候耶和華俯落看，對天鑑察。

51

(THR) In-ūi góa ê siâⁿ chiah ê cha-bó͘-kiáⁿ, hō͘ góa chhiok-bo̍k siong-sim.

(BCL) 因為我的城諸個查某子，互我觸目傷心。

52

(THR) Bô in-toaⁿ kap góa chòe kiû-siû--ê tui-jip góa, chhin-chhiūⁿ jip chiáu-á chı̍t-iūⁿ.

(BCL) 無因端及我做仇讎者的追我，親像鳥仔一樣。

53

(THR) In hō͘ góa ê sìⁿ-miā sí tī hām-khiⁿ, ēng chı̍t tè chio̍h-thâu thūn tī góa ê téng-bīn.

(BCL) 互我的生命死佇陷坑，用一塊石頭填佇我的頂面。

54

(THR) Chōe-chōe chúi im-kè góa ê thâu-khak; góa kóng, Góa bô miā lah.

(BCL) 多多水淹過我的頭殼，我講：我無命啦！

55

(THR) Iâ-hô-hoa ah, góa tùi chhim ê hām-khiⁿ kiû-kiò Lí ê miâ.

(BCL) 耶和華啊，我對深的陷坑求叫你的名。

56

(THR) Lí bat thiaⁿ góa ê siaⁿ; góa ê tho̍eh-khùi kiû-kiò, Lí bo̍h-tit ng hī-khang m̄-thiaⁿ.

(BCL) 你曾聽我的聲；我的替氣求叫，你莫得掩耳孔呣聽。

57

(THR) Góa kiû-kiò Lí ê jı̍t, Lí kūn-óa góa, kóng, M̄-bián kiaⁿ.

(BCL) 我求叫你的日，你近倚我，講：呣免驚！

58

(THR) Chú ah, Lí sin góa ê oan-óng, Lí kiù-sio̍k góa ê sìⁿ-miā.

(BCL) 主啊，你伸我的冤枉；你救贖我的生命。

59

(THR) Iâ-hô-hoa ah, Lí khòaⁿ-kìⁿ góa só͘ siū ê un-khut, kiû Lí kā góa phòaⁿ-tòan.

(BCL) 耶和華啊，你看見我所受的冤屈，求你給我判斷。

60

(THR) In òan-hūn góa, bô͘-hāi góa, Lí lóng ū khòaⁿ-kìⁿ.

(BCL) 怨恨我，謀害我，你攏有看見。

61

(THR) Iâ-hô-hoa ah, in lóe-mē góa, bô͘-hāi góa, Lí lóng ū thiaⁿ-kìⁿ;

(BCL) 耶和華啊，詈罵我，謀害我，你攏有聽見。

62

(THR) Ia̍h thiaⁿ-kìⁿ hiah-ê khí--lâi kong-kek góa ê lâng só͘ kóng--ê, í-kı̍p thong-jı̍t só͘ siat beh hāi góa ê kè-bô͘.

(BCL) 亦聽見許個起來攻擊我的人所講的，以及通日所設欲害我的計謀。

63

(THR) Kiû Lí koan-khòaⁿ, in chē-teh á-sī khí--lâi, lóng ēng góa chòe in ê koa-khek,

(BCL) 求你觀看，坐，抑是起來，攏用我做的歌曲。

64

(THR) Iâ-hô-hoa ah, Lí tio̍h chiàu in ê chhiú só͘ chòe--ê, lâi pò-èng in.

(BCL) 耶和華啊，你著照的手所做的，來報應。

65

(THR) Lí tio̍h hō͘ in ê sim kong-ngī, hō͘ Lí ê chiù-chó͘ kàu tī in.

(BCL) 你著互的心剛硬，互你的咒詛到佇。

66

(THR) Lí tio̍h hoat-chhut siū-khì tui-kóaⁿ in; tùi Iâ-hô-hoa ê thiⁿ-ē châu-bia̍t in.

(BCL) 你著發出受氣追趕，對耶和華的天下剿滅。

Bible Color Mark

• 台語漢字羅馬本
• 巴克禮全羅