羅馬書 第 2 章

1

(THR) Só͘-í kìⁿ-nā gí-tòan lâng ê lâng ah, lí bô thang the-thok; in-ūi lí só͘ gí-tòan pa̍t lâng ê, tú-tú sī gí-tiāⁿ ka-kī; in-ūi lí teh gí-tòan lâng, ka-kī iā án-ni kiâⁿ.

(BCL) 所以見若擬斷人的人啊，你無通推託。因為你所擬斷別人的，抵抵是擬定家己；因為你擬斷人，家己也按呢行。

2

(THR) Nā-sī lán chai Siōng-tè sī chiàu chin-lí lâi gí-tòan kiâⁿ án-ni ê lâng.

(BCL) 若是咱知，上帝是照真理來擬斷行按呢的人。

3

(THR) Lí chit hō lâng ah, lâng kiâⁿ án-ni lí gí-tòan i, iā lí ka-kī khì kiâⁿ; lí phah-sǹg ōe tô-siám Siōng-tè ê gí-tòan mah?

(BCL) 你此號人啊，人行按呢你擬斷伊，也你家己去行，你拍算會逃閃上帝的擬斷嗎？

4

(THR) Á-sī khòaⁿ-khin I ke̍k-tōa ê jîn-chû, khoan-iông, thun-lún, m̄ chai-kioh Siōng-tè ê jîn-chû sī beh chhōa lí hóan-hóe?

(BCL) 抑是看輕伊極大的仁慈、寬容、吞　，呣知卻上帝的仁慈是欲導你反悔？

5

(THR) kèng-jiân chiàu lí ê ngī sim kap m̄ hóan-hóe ê sim, ūi ka-kī chek-chū siū-khì tī siū-khì ê jı̍t, chiū-sī Siōng-tè gī ê sím-phòaⁿ hián-bêng ê jı̍t;

(BCL) 竟然照你的硬心及呣反悔的心，為家己積聚受氣佇受氣的日，就是上帝義的審判顯明的日。

6

(THR) I beh chiàu ta̍k lâng ê só͘ kiâⁿ lâi pò-èng i;

(BCL) 伊欲照逐人的所行來報應伊。

7

(THR) kìⁿ-nā mî-nōa kiâⁿ hó, kiû êng-kng, chun-kùi kap bōe pāi-hōai ê, chiong éng-o̍ah pò i;

(BCL) 見若綿賴行好、求榮光、尊貴，及敗壞的，將永活報伊；

8

(THR) kìⁿ-nā kiat-tóng, bô thàn chin-lí lâi thàn put-gī ê, chiū ū òan-hūn kap siū-khì,

(BCL) 見若結黨、無趁真理來趁不義的，就有怨恨及受氣。

9

(THR) hōan-lān kap khùn-khó͘, kàu tī lóng-chóng kiâⁿ pháiⁿ ê lâng, tāi-seng Iû-thài, āu-lâi Hi-lī-nî;

(BCL) 患難及困苦到佇攏總行歹的人，代先猶太，後來希利尼；

10

(THR) iā êng-kng, chun-kùi, pêng-an kàu tī lóng-chóng kiâⁿ hó ê lâng, tāi-seng Iû-thài, āu-lâi Hi-lī-nî.

(BCL) 也榮光、尊貴、平安到佇攏總行好的人，代先猶太，後來希利尼。

11

(THR) In-ūi Siōng-tè bô chiàu gōa-māu chhú lâng.

(BCL) 因為上帝無照外貌取人。

12

(THR) In-ūi kìⁿ-nā bô lu̍t-hoat lâi hōan-chōe ê, iā beh bô lu̍t-hoat lâi tîm-lûn; kìⁿ-nā tī lu̍t-hoat lâi hōan-chōe ê, beh tùi lu̍t-hoat siū sím-phòaⁿ.

(BCL) 因為見若無律法來犯罪的，也欲無律法來沈淪；見若佇律法來犯罪的，欲對律法受審判。（

13

(THR) In-ūi tī Siōng-tè ê bīn-chêng, m̄ sī thiaⁿ lu̍t-hoat ê chòe gī, chiū-sī kiâⁿ lu̍t-hoat ê beh chheng-chòe-gī.

(BCL) 因為佇上帝的面前，呣是聽律法的做義，就是行律法的欲稱做義。

14

(THR) In-ūi bô lu̍t-hoat ê gōa-pang lâng, tùi pún sèng lâi kiâⁿ lu̍t-hoat ê sî, in sui-jiân bô lu̍t-hoat, sī ka-kī chòe ka-kī ê lu̍t-hoat;

(BCL) 因為無律法的外邦人對本性來行律法的時，雖然無律法，是家己做家己的律法。

15

(THR) sī hián-bêng lu̍t-hoat ê kong-iōng khek tī in ê sim, in ê liông-sim saⁿ-kap chòe kan-chèng, in ê liām-thâu ū-sî saⁿ chek-pī ū-sî saⁿ khoan-sù;

(BCL) 是顯明律法的功用刻佇的心，的良心相及做干證，的念頭有時相責備，有時相寬恕）。

16

(THR) tī Siōng-tè ēng Iâ-so͘ Ki-tok sím-phòaⁿ lâng ún-ba̍t ê sū hit jı̍t, chiàu góa ê hok-im só͘ kóng.

(BCL) 佇上帝用耶穌基督審判人隱密的事彼日，照我的福音所講。

17

(THR) Lí nā chheng chòe Iû-thài lâng, óa-khò lu̍t-hoat, lia̍h Siōng-tè lâi chòe khoa-kháu,

(BCL) 你若稱做猶太人，倚靠律法，掠上帝來做誇口；

18

(THR) í-keng tùi lu̍t-hoat lâi ha̍k-sı̍p, chai I ê chí-ì, koh giām-chhut hiah ê chì hó ê,

(BCL) 已經對律法來學習，知伊的旨意，閣驗出許個至好的；

19

(THR) koh chhim sìn ka-kī sī chòe chhiⁿ-mî lâng ê chhōa-lō͘ ê, tiàm-tī o͘-àm ê ê kng,

(BCL) 閣深信家己是做睛暝人的導路的，佇黑暗者的光，

20

(THR) gōng lâng ê sian-siⁿ, gín-ná ê kàu-sı̍p, tī lu̍t-hoat lāi ū tì-sek kap chin-lí ê bô͘-iūⁿ;

(BCL) 戇人的先生，囝仔的教習，佇律法內有智識及真理的模樣。

21

(THR) lí kà-sī pa̍t lâng, iā bô kà-sī ka-kī ah? lí soan-thôan kóng m̄ thang thau-the̍h, iā ka-kī thau-the̍h ah?

(BCL) 你教示別人，也無教示家己啊？你宣傳講呣通偷提，也家己偷提啊？

22

(THR) Lí kóng m̄ thang kiâⁿ-îm, iā ka-kī kan-îm ah? lí iàm-ò͘ⁿ ngó͘-siōng, iā ka-kī chhiúⁿ keng-biō ah?

(BCL) 你講呣通行淫，也家己姦淫啊？你厭惡偶像，也家己搶宮廟啊？

23

(THR) lí lia̍h lu̍t-hoat chòe khoa-kháu, chiū tùi hōan-tio̍h lu̍t-hoat lêng-jio̍k Siōng-tè ah?

(BCL) 你掠律法做誇口，就對犯著律法、凌辱上帝啊？

24

(THR) In-ūi Siōng-tè ê miâ ūi-tio̍h lín siū pòng-to̍k tī gōa-pang tiong, chiàu só͘ kì-chài ê.

(BCL) 因為上帝的名為著恁受謗瀆佇外邦中，照所記載的。

25

(THR) Lí nā kiâⁿ lu̍t-hoat, kat-lé chiū ū lī-ek; lí nā hōan-tio̍h lu̍t-hoat, chiū lí ê kat-lé pìⁿ chòe bô kat-lé.

(BCL) 你若行律法，割禮就有利益；你若犯著律法，就你的割禮變做無割禮。

26

(THR) Só͘-í bô siū kat-lé ê nā siú lu̍t-hoat ê kui-lē, i ê bô kat-lé kiám bô beh sǹg-chòe kat-lé mah?

(BCL) 所以無受割禮的，若守律法的規例，伊的無割禮，豈無欲算做割禮嗎？

27

(THR) Koh seng-sêng bô kat-lé lâi chīn lu̍t-hoat ê, kiám bô beh gí-tòan lí tùi bûn-jī kap kat-lé lâi hōan hoat mah?

(BCL) 閣生成無割禮來盡律法的，豈無欲擬斷你對文字及割禮來犯法嗎？

28

(THR) In-ūi gōa-phê chòe Iû-thài lâng ê m̄ sī Iû-thài lâng; tī jio̍k-thé gōa-phê ê kat-lé m̄ sī kat-lé.

(BCL) 因為外皮做猶太人的，呣是猶太人；佇肉體外皮的割禮，呣是割禮。

29

(THR) To̍k-to̍k lāi-bīn chòe Iû-thài lâng ê chiah sī Iû-thài lâng, iā sim-lāi ê kat-lé chiah sī kat-lé, chāi-tī sîn, put-chāi tī bûn-jī; i ê tit-tio̍h o-ló m̄ sī tùi lâng, chiū-sī tùi Siōng-tè.

(BCL) 獨獨內面做猶太人的才是猶太人；也心內的割禮才是割禮，在佇神，不在佇文字。伊的得著謳咾呣是對人，就是對上帝。

Bible Color Mark

• 台語漢字羅馬本
• 巴克禮全羅