I-hut-só͘ 第 6 章 - 巴克禮全羅

1

Chòe kiáⁿ-jî ê, lín tiàm-tī Chú tio̍h sūn-thàn lín ê pē-bú, in-ūi che sī eng-kai ê.

2

. Tio̍h chun-kèng lí ê pē-bú, (che sī thâu chı̍t tiâu ū kâⁿ èng-ún ê kai

3

, 3). beh hō͘ lí heng-thong, tn̂g hè-siū tī sè-kan.

4

. Chòe lāu-pē ê, lín m̄ thang kek kiáⁿ-jî ê siū-khì; to̍k-to̍k tio̍h ēng Chú ê kéng-kài kap kàu-hùn lâi pôe-iúⁿ in.

5

. Chòe lô͘-po̍k ê, lín tio̍h kiaⁿ-hiâⁿ ngia̍uh-ngia̍uh-chhoah, ēng sêng-sı̍t sim sūn-thàn chiàu jio̍k-thé chòe lín ê chú-lâng ê, chhin-chhiūⁿ teh sūn-thàn Ki-tok;

6

. bo̍h-tit kan-ta tī ba̍k-chiu chêng un-khûn, chhin-chhiūⁿ chhú hō͘ lâng hoaⁿ-hí ê; chiū-sī tio̍h chhin-chhiūⁿ chòe Ki-tok ê lô͘-po̍k, ēng sı̍t-sim lâi kiâⁿ Siōng-tè ê chí-ì;

7

. kam-sim chòe kang, chhin-chhiūⁿ kā Chú chòe, m̄ sī kā lâng chòe;

8

. in-ūi chai bô lūn chòe lô͘-po̍k á-sī chū-iû ê, ta̍k lâng só͘ kiâⁿ sím-mı̍h hó, beh tùi Chú lâi siū tò-tńg.

9

. Chòe chú-lâng ê, lín iā tio̍h án-ni khóan-thāi lô͘-po̍k, bo̍h-tit háng-hoah in; in-ūi chai in kap lín tâng chı̍t ê Chú tī thiⁿ-nı̍h, chiū-sī bô ēng gōa-māu chhú lâng ê.

10

. Kiat-bé lâi kóng, lín tio̍h tiàm-tī Chú kap I khùi-la̍t ê kôan-lêng lâi ióng-chòng.

11

. Tio̍h chhēng Siōng-tè chôan-hù ê chiàn-kah, hō͘ lín ōe khiā-chāi, lâi tí-te̍k Mô͘-kúi chiah ê khúi-kè.

12

. In-ūi lán ê kau-chiàn m̄ sī tí-te̍k hiat-khì ê, chiū-sī tí-te̍k chiah ê pān chèng-sū ê, chiah ê chiáng-kôan ê, kap chit ê àm sè chiah ê kun-ông, í-kı̍p thiⁿ-tiong pháiⁿ ê sîn-lūi.

13

. Só͘-í lín tio̍h ēng Siōng-tè chôan-hù ê chiàn-kah, hō͘ lín tī hong-hiám ê jı̍t tí-tng ōe tiâu, kàu lín í-keng chòe-chiâⁿ lóng-chóng ê sū iā iû-gôan khiā-chāi.

14

. Só͘-í tio̍h khiā khi chāi, ēng chin-sı̍t hâ io, ēng gī chòe hō͘-sim-kiàⁿ,

15

. ēng hô-pêng hok-im ê pī-pān, chhēng tī kha-nı̍h;

16

. koh tio̍h giâ sìn ê tîn-pâi, ēng chit-ê chiah ōe phah-bia̍t pháiⁿ-ê it-chhè ê hé-chìⁿ.

17

. Koh niá-siū chín-kiù ê thâu-khoe, í-kı̍p Sîn ê kiàm, chiū-sī Siōng-tè ê ōe;

18

. ēng ta̍k iūⁿ ê kî-tó kap khún-kiû, sî-sî tī Sèng Sîn lâi kî-tó, kéng-séng tī chit-ê, ūi-tio̍h lóng-chóng ê sèng-tô͘ khún-kiû bô ià-siān;

19

. iā thòe góa kiû, hō͘ góa ōe tit khui chhùi hó-táⁿ lâi kóng, hō͘ lâng chai hok-im ê ò-biāu, ūi-tio̍h chit-ê góa chòe kòa thih-liān ê khim-chhe;

20

. iā tio̍h kiû hō͘ góa tī chit ê ò-biāu ōe hó-táⁿ, chiàu góa só͘ eng-kai kóng ê.

21

. To̍k-to̍k beh hō͘ lín iā chai góa ê sū-chêng kap góa ê kéng-hóng cháiⁿ-iūⁿ, ū só͘ thiàⁿ ê hiaⁿ-tī Chhui-ki-kó͘, chiū-sī tiàm-tī Chú chīn-tiong ê chhe-ēng, i beh hō͘ lín chai lóng-chóng ê sū.

22

. Ūi-tio̍h án-ni góa tiâu-tî chhe i khì chiū-kūn lín, hō͘ lín chai góan ê sū, koh an-ùi lín ê sim.

23

. Gōan pêng-an kap jîn-ài hâm sìn, tùi Pē Siōng-tè kap Chú Iâ-so͘ Ki-tok kàu tī chèng hiaⁿ-tī.

24

. Koh kìⁿ-nā ēng bōe pāi-hōai ê thiàⁿ lâi thiàⁿ lán ê Chú Iâ-so͘ Ki-tok ê, gōan un-tián kap in chèng lâng saⁿ-kap tī-teh.