Ka-lia̍p-thài 第 6 章 - 巴克禮全羅

1

Hiaⁿ-tī ah, nā ū lâng bô tiuⁿ-tî hām-lo̍h chōe-kòa, lín sio̍k tī sîn ê lâng tio̍h ēng un-jiû ê sim-sîn kui-chèng i, iā tio̍h ka-kī koan-hông kiaⁿ-liáu lín iā tú-tio̍h chhì.

2

. Lín ta̍k lâng ê tāng tàⁿ tio̍h saⁿ-kāng taⁿ;

3

. ēng án-ni lâi chīn Ki-tok ê hoat.

4

. Bô, iā ka-kī lia̍h-chòe ū ê, sī phiàn ka-kī. Ta̍k lâng tio̍h séng-chhat ka-kī ê só͘ kiâⁿ, chiū ū thang khoa-kháu ê, chāi-tī pún-sin, bô chāi-tī pa̍t lâng.

5

. In-ūi ta̍k lâng beh taⁿ i ka-kī ê tàⁿ.

6

. Ha̍k-sı̍p tō-lí ê tio̍h chiong ta̍k hāng hó mı̍h hō͘ kà-sī i ê saⁿ-kap ū hūn.

7

. Bo̍h-tit ka-kī chhò-gō͘, Siōng-tè bōe bú-bān-tit; in-ūi lâng só͘ iā ê sī sím-mı̍h, i iā beh siu hit hō.

8

. Ūi-tio̍h ka-kī ê jio̍k-thé iā ê, beh tùi jio̍k-thé lâi siu-sêng pāi-hōai; ūi-tio̍h Sèng Sîn iā ê, beh tùi Sèng Sîn lâi siu-sêng éng-o̍ah.

9

. Lán kiâⁿ hó m̄ thang sit-chì, in-ūi nā bô chı̍h-chām, kàu kî ōe siu-sêng.

10

. Só͘-í iáu ū ki-hōe, lán tio̍h kiâⁿ hó tī chèng lâng, tī hiah ê tùi sìn chiâⁿ-chòe chı̍t ke ê lâng, koh khah tio̍h tì-ì.

11

. Lín khòaⁿ góa chhin-chhiú siá hō͘ lín ê jī kàu chiah tōa.

12

. Kìⁿ-nā ài ēng jio̍k-thé chng-thāⁿ hó khòaⁿ ê, in bián-kióng lín siū kat-lé, bô m̄ sī ài bián-tit ūi-tio̍h Ki-tok ê sı̍p-jī-kè siū khún-tio̍k.

13

. In-ūi in siū kat-lé, liân ka-kī iā bô siú lu̍t-hoat ; to̍k-to̍k ài lín siū kat-lé, hō͘ in thang tī lín ê jio̍k-thé khoa-kháu.

14

. Nā-sī góa tòan-tòan m̄ khoa-kháu pa̍t hāng, chí-ū khoa-kháu lán ê Chú Iâ-so͘ Ki-tok ê sı̍p-jī-kè nā-tiāⁿ; tùi chit-ê chiū sè-kan ǹg góa tèng sı̍p-jī-kè, góa ǹg sè-kan iā sī án-ni.

15

. In-ūi siū kat-lé, bô siū kat-lé, lóng bô iàu-kín; iàu-kín chiū-sī chòe sin chhòng-chō ê lâng.

16

. Kìⁿ-nā chiàu chit ê chún-chîn lâi kiâⁿ ê, gōan pêng-an lîn-bín kàu tī in, iā kàu tī Siōng-tè Í-sek-lia̍t ê peh-sìⁿ.

17

. Taⁿ liáu-āu lâng m̄ thang kiáu-jiáu góa; in-ūi góa ê seng-khu ū tài Iâ-so͘ ê hûn-jiah.

18

. Hiaⁿ-tī ah, gōan lán ê Chú Iâ-so͘ Ki-tok ê un-tián kap lín ê sim-sîn tī-teh. À-bēng.