I-sài-a 第 12 章 - 巴克禮全羅

1

Kàu hit-jı̍t, lí beh kóng, Iâ-hô-hoa ah, góa beh kám-siā Lí, in-ūi Lí sui-jiân bat siū-khì góa, taⁿ Lí ê siū-khì í-keng soah, Lí ia̍h an-ùi góa.

2

Khòaⁿ ah, Siōng-tè sī chín-kiù góa-ê; góa beh óa-khò I, ia̍h bô kiaⁿ; in-ūi Chú Iâ-hô-hoa sī góa ê khùi-la̍t, sī góa ê si-koa; I ia̍h chiâⁿ-chòe kiù-góa--ê.

3

Lín beh tùi kiù-un ê chúi-chôaⁿ hoaⁿ-hí lâi chhiūⁿ chúi.

4

Tī hit-jı̍t lín beh kóng, Tio̍h kám-siā Iâ-hô-hoa, kiû-kiò I ê miâ, chiong I só͘-kiâⁿ--ê pò-iông tī lia̍t-pang-tiong, kóng-khí I ê miâ í-keng siū chun chòe-kôaiⁿ.

5

Lín tio̍h chhiùⁿ-koa o-ló Iâ-hô-hoa; in-ūi I só͘-kiâⁿ--ê chin hián-hek; gōan chit ê tāi-chì piàn-thôan tī thiⁿ-ē.

6

Sek-an khiā-khí ê peh-sìⁿ ah, lín tio̍h chhut tōa hoaⁿ-hí ê siaⁿ, in-ūi Í-sek-lia̍t ê Sèng--ê tī lín ê tiong-kan chòe-tōa.