Iok-su-a 第 12 章 - 巴克禮全羅

1

Tī Iok-tàn hit-pêng ǹg jı̍t-chhut ê só͘-chāi, tùi A-lùn ê soaⁿ-kok kàu Hek-bûn soaⁿ, kap tang-sì A-la̍h-pa ê chôan-tōe, Í-sek-lia̍t lâng phah hiah ê ông, chhú in ê tōe, kì tī ē-tóe.

2

A-mô͘-lī lâng ê ông, chiū-sī khiā-khí tī Hi-sı̍t-pún ê Se-hông, i só͘ kóan ê tōe, sī tùi A-lùn soaⁿ-kok-piⁿ ê A-lô-jíⁿ, kap soaⁿ-kok-tiong ê siâⁿ, í-kı̍p Ki-lia̍t ê chı̍t-pòaⁿ, tı̍t-kàu A-bûn lâng ê kéng-kài, chiū-sī Ngá-phok hô.

3

Koh A-la̍h-pa tang-sì kàu Ki-nî-lia̍t hái, koh kàu tang-sì A-la̍h-pa ê hái, chiū-sī Iâm-hái, thàng-kàu Pek-iâ-se-bo̍at ê lō͘, í-kı̍p lâm-hng, tı̍t-kàu Pí-su-ka ê soaⁿ-kha;

4

koh ū Pa-sán ông Go̍k ê kéng-kài, i sī Lī-ho̍at-im lâng só͘ chhun ê, tiàm tī A-su-tha-lio̍k kap Í-tek-lâi;

5

i só͘ kóan ê tōe, sī Hek-bûn soaⁿ, Sat-ka, Pa-san chôan-tōe, kàu Ki-su̍t lâng kap Má-ka lâng ê kéng-kài, í-kı̍p Ki-lia̍t ê chı̍t-pòaⁿ, tı̍t-kàu Hi-sı̍t-pún ông Se-hông ê kéng-kài.

6

In sī Iâ-hô-hoa ê lô͘-po̍k Mô͘-se kap Í-sek-lia̍t lâng só͘ phah ê; Iâ-hô-hoa ê lô͘-po̍k Mô͘-se chiong in ê tōe hō͘ Liû-piān lâng, Ka-tek lâng, kap Má-ná-se pòaⁿ-chi-phài ê lâng chòe-gia̍p.

7

Tī Iok-tàn ê sai-pêng, tùi Lī-pa-lùn soaⁿ-kok ê Pa-le̍k-ka-tek, kàu chiūⁿ-khì Se-jíⁿ ê Hap-la̍h soaⁿ, Iok-su-a kap Í-sek-lia̍t lâng phah in ê tōe; Iok-su-a chiū chiong tōe pun hō͘ Í-sek-lia̍t kok chi-phài chiàu in ê chong-cho̍k chòe-gia̍p;

8

chiū-sī tī soaⁿ-tōe, tī pîⁿ-iûⁿ, tī A-la̍h-pa, tī soaⁿ-kha, tī khòng-iá, tī lâm-hng ê tōe, sī Hek lâng, A-mô͘-lī lâng, Ka-lâm lâng, Pí-lī-sé lâng, Hi-bī lâng, Iâ-pò͘-su lâng chiah ê ông kì tī ē-tóe;

9

chı̍t-ê sī Iâ-lī-ko ông; chı̍t-ê sī óa-kūn Pek-te̍k-lī Ai siâⁿ ê ông;

10

chı̍t-ê sī Iâ-lō͘-sat-léng ông; chı̍t-ê sī Hi-pek-lûn ông;

11

chı̍t-ê sī Iâ-bo̍at ông; chı̍t-ê sī La̍h-kiat ông;

12

chı̍t-ê sī I-ki-lûn ông; chı̍t-ê sī Ki-sek ông;

13

chı̍t-ê sī Tí-phek ông; chı̍t-ê sī Ki-tak ông;

14

chı̍t-ê sī Hô-jíⁿ-má ông; chı̍t-ê sī A-la̍h-tek ông;

15

chı̍t-ê sī Lı̍p-ná ông; chı̍t-ê sī A-tō-lân ông;

16

chı̍t-ê sī Má-ki-tāi ông; chı̍t-ê sī Pek-te̍k-lī ông;

17

chı̍t-ê sī Tha-phó͘-a ông; chı̍t-ê sī Hi-hut ông;

18

chı̍t-ê sī A-hut ông; chı̍t-ê sī La̍h-sa-lûn ông;

19

chı̍t-ê sī Má-tùn ông; chı̍t-ê sī Hā-só ông;

20

chı̍t-ê sī Sin-lûn-bí-lûn ông; chı̍t-ê sī Ap-soah ông;

21

chı̍t-ê sī Tha-la̍p ông; chı̍t-ê sī Bí-kiat-to ông;

22

chı̍t-ê sī Ki-te-su ông; chı̍t-ê sī óa-kūn Ka-bı̍t ê Iok-liām ông;

23

chı̍t-ê sī To-jíⁿ soaⁿ-thâu ê To-jíⁿ ông; chı̍t-ê sī Kiat-kah ê Ko-ìn ông;

24

chı̍t-ê sī Tek-sat ông; kè-kiōng saⁿ-cha̍p-it ê ông.