Ní-hi-bí 第 7 章 - 巴克禮全羅

1

Siâⁿ-chhiûⁿ khí-hó, góa í-keng an-mn̂g, kò͘-mn̂g--ê, chhiùⁿ-koa-ê kap Lī-bī lâng, lóng phài tiāⁿ-tio̍h;

2

góa chiū phài góa ê hiaⁿ-tī, kap kóan ông-kiong ê Hap-ná-nî-ngá, kóan-lí Iâ-lō͘-sat-léng; in-ūi i sī tiong-sìn koh kèng-ùi Siōng-tè, iâⁿ-kè pa̍t-lâng.

3

Góa hoan-hù in kóng, Thèng-hāu jı̍t-thâu kôaiⁿ ê sî, chiah khui Iâ-lō͘-sat-léng ê siâⁿ-mn̂g; lâng khiā-teh kò͘ ê sî, in tio̍h koaiⁿ-mn̂g, lí tio̍h chhòaⁿ--i, iā tio̍h phài Iâ-lō͘-sat-léng khiā-khí ê peh-sìⁿ kò͘-siú, ta̍k-ê chiàu in ê pan-lia̍t tī in ê chhù tùi-bīn ê só͘-chāi.

4

Siâⁿ sī khoah-tōa, chóng-sī kî-tiong peh-sìⁿ chió, chhù iáu-bē khí.

5

Góa ê Siōng-tè kám-tōng góa ê sim, chio-chı̍p kùi-cho̍k, koaⁿ-tiúⁿ, kap peh-sìⁿ, chiàu in ê sè-hē lâi sǹg--i. Góa chhē-tio̍h thâu-chı̍t pái chiūⁿ-lâi ê lâng ê cho̍k-phó͘, hit lāi-bīn ū kì-chài;

6

chêng Pa-pí-lûn ông Nî-pò͘-kah-nî-sat lia̍h kàu Pa-pí-lûn ê, Iû-tāi séng peh-sìⁿ-tiong ū lâng tùi siū-lia̍h kàu ê só͘-chāi tò-lâi Iâ-lō͘-sat-léng kap Iû-tāi, ta̍k-lâng tò-khì i ê siâⁿ;

7

chiū-sī kap Só͘-lô-pa-pek , Iâ-su-a, Nî-hi-bí, A-sat-lī-ngá, La̍h-bí, Ná-hap-má-nî, Bo̍k-tí-kái, Pit-san, Bí-su-pí-lia̍t, Pí-kek-óa-i, Nî-hông, Pa-ná, saⁿ-kap tò-lâi ê. Í-sek-lia̍t peh-sìⁿ ê lâng-gia̍h kì tī ē-tóe;

8

Pa-lio̍k ê hō͘-è, nn̄g-chheng chı̍t-pah chhit-cha̍p-jī lâng.

9

Sī-hoat-thê-ngá ê hō͘-è, saⁿ-pah chhit-cha̍p-jī lâng.

10

A-la̍h ê hō͘-è, la̍k-pah gō͘-cha̍p-jī lâng.

11

Pa-hap-mô͘-ap ê hō͘-è, chiū-sī Iâ-su-a kap Iok-ap ê hō͘-è, nn̄g-chheng poeh-pah cha̍p-poeh lâng.

12

Í-lân ê hō͘-è, chı̍t-chheng nn̄g-pah gō͘-cha̍p-sì lâng.

13

Sat-thó͘ ê hō͘-è, poeh-pah sì-cha̍p-gō͘ lâng.

14

Sat-kái ê hō͘-è, chhit-pah la̍k-cha̍p lâng.

15

Pin-lōe ê hō͘-è, la̍k-pah sì-cha̍p-poeh lâng.

16

Pí-pài ê hō͘-è, la̍k-pah jī-cha̍p-poeh lâng.

17

Ap-kah ê hō͘-è, nn̄g-chheng saⁿ-pah jī-cha̍p-jī lâng.

18

A-to-nî-kan ê hō͘-è, la̍k-pah la̍k-cha̍p-chhit lâng.

19

Pí-kek-óa-i ê hō͘-è, nn̄g-chheng liân la̍k-cha̍p-chhit lâng.

20

A-teng ê hō͘-è, la̍k-pah gō͘-cha̍p-gō͘ lâng.

21

A-te̍k ê hō͘-è, sio̍k Hi-se-ka ê, káu-cha̍p-poeh lâng.

22

Hap-sūn ê hō͘-è, saⁿ-pah jī-cha̍p-poeh lâng.

23

Pí-sài ê hō͘-è, saⁿ-pah jī-sì lâng.

24

Hap-la̍h ê hō͘-è, chı̍t-pah cha̍p-jī lâng.

25

Ki-piàn lâng, káu-cha̍p-gō͘ ê.

26

Pek-lī-hêng lâng kap Nî-tô-hoat lâng, kiōng chı̍t-pah poeh-cha̍p-poeh lâng.

27

A-ná-tu̍t lâng, chı̍t-pah jī-cha̍p-poeh ê.

28

Pek-a-su-má-hut lâng, sì-cha̍p-jī ê.

29

Ki-lia̍t-iâ-lîm lâng, Ki-hui-la̍h lâng, Pí-lio̍k lâng, kiōng chhit-pah sì-cha̍p-saⁿ ê.

30

La̍h-má lâng kap Ka-pa lâng, kiōng la̍k-pah jī-cha̍p-it ê.

31

Be̍k-má lâng, chı̍t-pah jī-cha̍p-jī ê.

32

Pek-te̍k-lī lâng kap Ai ê lâng, kiōng chı̍t-pah jī-cha̍p-saⁿ ê.

33

Pa̍t ê Nî-pho ê lâng, gō͘-cha̍p-jī ê.

34

Pa̍t ê Í-lân hō͘-è, chı̍t chheng nn̄g-pah gō͘-cha̍p-sì lâng.

35

Hap-lîm ê hō͘-è, saⁿ-pah jī-cha̍p ê.

36

Iâ-lī-ko lâng, saⁿ-pah sì-cha̍p-gō͘ ê.

37

Lô-tek lâng, Hap-tē lâng, O-lô lâng, kiōng chhit-pah jī-cha̍p-it ê.

38

Se-ná lâng, saⁿ-chheng káu-pah saⁿ-cha̍p ê.

39

Chè-si; Iâ-su-a ê ke, Iâ-tāi-ngá ê hō͘-è, káu-pah chhit-cha̍p-saⁿ lâng.

40

Im-le̍k ê hō͘-è, chı̍t-chheng liân gō͘-cha̍p-jī lâng.

41

Pa-si-hō͘-jíⁿ ê hō͘-è, chı̍t-chheng nn̄g-pah sì-cha̍p-chhit lâng.

42

Hap-lîm ê hō͘-è, chı̍t-chheng liân cha̍p-chhit lâng.

43

Lī-bī lâng; Hô-ta̍t-ui ê hō͘-è, sio̍k Iâ-su-a kap Kah-bia̍t ê hō͘-è, chhit-cha̍p-sì lâng.

44

Chhiùⁿ-koa--ê, A-sat ê hō͘-è, chı̍t-pah sì-cha̍p-poeh lâng.

45

Kò͘-mn̂g--ê; Sa-liông ê hō͘-è, A-te̍k ê hō͘-è, Ta̍t-bûn ê hō͘-è, A-kok ê hō͘-è, Hap-tí-tāi ê hō͘-è, Sok-pài ê hō͘-è, kiōng chı̍t-pah saⁿ-cha̍p-poeh lâng.

46

Nî-thê-lêng; Se-hap ê hō͘-è, Hap-so͘-pa ê hō͘-è, Tap-pa-gô ê hō͘-è;

47

Ki-lio̍k ê hō͘-è, Se-a ê hō͘-è, Pa-tùn ê hō͘-è;

48

Lī-pa-ná ê hō͘-è, Hap-ka-pa ê hō͘-è, Sat-mái ê hō͘-è;

49

Hap-lân ê hō͘-è, Kiat-tek ê hō͘-è, Ka-hap ê hō͘-è;

50

Lī-a-ngá ê hō͘-è, Lī-sìn ê hō͘-è, Nî-ko-tāi ê hō͘-è;

51

Ka-sàn ê hō͘-è, Ou-sat ê hō͘-è, Pa-se-a ê hō͘-è;

52

Pí-sài ê hō͘-è, Bí-o͘-lêng ê hō͘-è, Nî-phó͘-sim ê hō͘-è;

53

Pa-pok ê hō͘-è, Hap-kok-pa ê hō͘-è, Hap-hut ê hō͘-è;

54

Pa-sé-lu̍t ê hō͘-è, Bí-hi-tāi ê hō͘-è, Hap-sa ê hō͘-è;

55

Pa-kho ê hō͘-è, Se-se-la̍h ê hō͘-è, Tap-má ê hō͘-è;

56

Nî-sè-a ê hō͘-è, Hap-thê-hoat ê hō͘-è.

57

Só͘-lô-bûn ê lô͘-po̍k ê hō͘-è; Só-thài ê hō͘-è, Só-hui-lia̍t ê hō͘-è, Pí-lō͘-tāi ê hō͘-è;

58

Ngá-la̍h ê hō͘-è, Ta̍t-khun ê hō͘-è, Kiat-tek ê hō͘-è;

59

Sī-hoat-thê-ngá ê hō͘-è, Hap-thòe ê hō͘-è, Pho-hek-lia̍t-hap-su-pa-im ê hō͘-è, A-bûn ê hō͘-è.

60

Nî-thê-lêng kap Só͘-lô-bûn lô͘-po̍k ê hō͘-è, kiōng saⁿ-pah káu-cha̍p-jī lâng.

61

Tùi Te̍k-bí-la̍h, Te̍k-hap-sat, Ki-lio̍k, A-tùn, Im-be̍k chiūⁿ-lâi--ê, bōe-ōe chèng-bêng in ê chong-cho̍k sè-hē, chin-chiàⁿ sī Í-sek-lia̍t lâng á m̄-sī.

62

In sī Tē-lâi-ngá ê hō͘-è, To-pí-ngá ê hō͘-è, Nî-ko-tāi ê hō͘-è, kiōng la̍k-pah sì-cha̍p-jī lâng.

63

Chè-si-tiong, ū Hap-pa-ngá ê hō͘-è, Hap-ko-su ê hō͘-è, Pa-se-lâi ê hō͘-è; Pa-se-lâi chhōa Ki-lia̍t lâng Pa-se-lâi ê cha-bó͘-kiáⁿ chòe bó͘, só͘-í ēng in ê miâ lâi chheng i.

64

Chiah ê ke tī in ê cho̍k-phó͘ tiong chhē in ê sè-hē, iā chhē-bô, só͘-í sǹg-chòe bô chheng-khì, m̄-chún in tng chè-si ê chit.

65

Chóng-tok kā in kóng, m̄-thang chia̍h chì-sèng ê mı̍h, thèng-hāu ū Ou-lêng kap Thó͘-bêng ê chè-si khí-lâi.

66

Hōe-chiòng kiōng ū sì-bān nn̄g-chheng saⁿ-pah la̍k-cha̍p lâng;

67

í-gōa iáu-ū in ê lô͘-po̍k lú-pī, chhit-chheng saⁿ-pah saⁿ-cha̍p-chhit lâng, lâm-lú chhiùⁿ-koa--ê, ū nn̄g-pah sì-cha̍p-gō͘ lâng;

68

in ê bé, chhit-pah saⁿ-cha̍p-la̍k chiah; in ê lô, nn̄g-pah sì-cha̍p-gō͘ chiah;

69

lo̍k-tô, sì-pah saⁿ-cha̍p-gō͘ chiah; lû, la̍k-chheng chhit-pah jī-cha̍p chiah.

70

Ū cho̍k-tiúⁿ kúi-nā lâng ūi-tio̍h kang-tiâⁿ lâi hiàn. Chóng-tok hiàn tī khò͘-pâng ê kim chı̍t-chheng ta̍t-lī-khek, óaⁿ gō͘-cha̍p tè, chè-si ê lé-ho̍k gō͘-pah saⁿ-cha̍p niá.

71

Koh ū cho̍k-tiúⁿ hiàn jı̍p kang-tiâⁿ ê hú-khò͘, kim nn̄g-bān ta̍t-lī-khek, gûn nn̄g-chheng nn̄g-pah bî-ná.

72

Kî-û ê peh-sìⁿ só͘ hiàn ê kim nn̄g-bān ta̍t-lī-khek, gûn nn̄g chheng bî-ná, chè-si ê lé-ho̍k la̍k-cha̍p-chhit niá.

73

Tùi án-ni chè-si, Lī-bī lâng, kò͘-mn̂g--ê, chhiùⁿ-koa--ê, peh-sìⁿ tiong chı̍t-pō͘-hūn ê lâng, Nî-thê-lêng, kap Í-sek-lia̍t chèng-lâng ta̍k-ê khiā-khí tī in ê siâⁿ.