Si-phian 第 129 章 - 巴克禮全羅

1

Chiūⁿ kiā-á ê si.1) Í-sek-lia̍t tio̍h kóng, Tùi góa sòe-hàn ê sî, In ta̍uh-ta̍uh khó͘-chhó͘ góa.

2

Tùi góa sòe-hàn ê sî in ta̍uh-ta̍uh khó͘-chhó͘ góa; Chóng-sī in bē-bat khah-iâⁿ góa.

3

Hōaⁿ-lôe ê lâng lôe góa ê ka-chiah-phiaⁿ, Lôe ê kau-hûn thoa chin-tn̂g.

4

Iâ-hô-hoa sī kong-gī--ê; I ū chām-tn̄g pháiⁿ-lâng ê soh.

5

Kìⁿ-nā òan-hūn Sek-an--ê, Gōan in tú-tio̍h kiàn-siàu thè-āu.

6

Gōan in chhin-chhiūⁿ chhù-téng ê chháu, Bē tōa-châng chiū ko͘-tâ;

7

Koah-ê koah bô móa-pé, Hâ-ê hâ bô kui-lám.

8

Kè-lō͘ ê lâng ia̍h bô kóng, Gōan Iâ-hô-hoa sù lín hok-khì; Góan hōng Iâ-hô-hoa ê miâ, kā lín chiok-hok.