
歷代志上 第 12 章 - 台語漢字羅馬本
- 1
- 大衛因為驚基士的子掃羅,守呣敢出去的時,有諸個勇士來到洗革拉尋伊,幫助伊交戰。
- 2
- 開弓,會用倒手正手石頭射箭,攏是便雅憫人掃羅的同族。
- 3
- 頭一個是亞希以謝,閣有約阿施,攏是基比亞人示瑪的子。閣有耶設及毗力是亞斯瑪威的子,閣有比拉迦,及亞拿突人耶戶,
- 4
- 基遍人以實買雅(佇三十人中是勇士,也管彼三十人),閣有耶利米、雅哈悉、約哈難,及基得拉人約撒拔,
- 5
- 伊利烏賽、耶利摩、比亞利雅、示瑪利雅、哈律弗人示法提雅,
- 6
- 可拉人以利加拿、耶西亞、亞薩列、約以謝、雅朔班,
- 7
- 基多人耶羅罕的子猶拉及西巴第雅。
- 8
- 迦得支派有幾若人到曠野的衛所歸倚大衛,攏是勇士戰士,會出陣夯屏牌抬槍。的面親像獅的面,走親像山裡的鹿。
- 9
- 頭一個以設,第二俄巴底雅,第三以利押,
- 10
- 第四彌施瑪拿,第五耶利米,
- 11
- 第六亞太,第七以利業,
- 12
- 第八約哈難,第九以利薩巴,
- 13
- 第十耶利米,第十一末巴奈。
- 14
- 諸個攏是迦得人也攏是軍長,上的會抵當一百人,上會者會抵當一千人。
- 15
- 正月,約但河水漲滿雙旁岸的時,過河,互一切踮佇山谷的人走東走西。
- 16
- 閣有便雅憫猶大人來到衛所尋大衛。
- 17
- 大衛出去迎接,對講:「恁若是為著平安來幫助我,我及恁的心就相契合;總是恁若欲將我無罪的人賣佇對敵的手,願咱列祖的上帝鑑察責罰。」
- 18
- 彼時上帝的神臨到諸個將的頭人亞瑪撒,伊就講:大衛啊,阮是歸佇你者!耶西的子啊,阮是幫助你者!願你平平安安,願幫助你者也得著平安!因為你的上帝幫助你。大衛就收留,設立做軍長。
- 19
- 大衛從前及非利士出陣,欲攻擊掃羅的時,有瑪拿西支派幾若人來歸倚伊,總是到尾無幫助;因為非利士的頭人有議論,著互伊倒去,講:「伊的確歸伊的主人掃羅,致到咱的頭殼危險。」
- 20
- 彼時大衛去洗革拉,有瑪拿西人的千總押拿、約撒拔、耶疊、米迦勒、約撒拔、以利戶、洗勒太攏來歸倚伊。
- 21
- 諸個人幫助大衛攻擊土匪;攏是大氣力的勇士,閣做軍長。
- 22
- 彼時日日有人歸倚大衛,欲幫助伊,就成做大軍隊,親像上帝的軍隊一樣。
- 23
- 備辦交戰的軍隊到希伯崙見大衛,欲照耶和華的話移徙掃羅的國位互大衛。的數額記佇下面:
- 24
- 猶大支派,夯屏牌抬槍備辦交戰的有六千八百人。
- 25
- 西緬的支派,會出陣的勇士有七千一百人。
- 26
- 利未支派四千六百人。
- 27
- 耶何耶大是亞倫的家的首領,隨伊者有三千七百人。
- 28
- 閣有少年人撒督是大勇士,及伊本家的族長二十二人。
- 29
- 便雅憫的支派,就是掃羅的同族三千人,因為到彼時此族大半猶久擁護掃羅的家。
- 30
- 以法蓮支派的大勇士,佇本族出名者有二萬連八百人。
- 31
- 瑪拿西半支派,記名者共一萬八千,攏來設立大衛做王。
- 32
- 以薩迦支派,有智識、識時勢,知以色列所著行者的頭人有二百;的兄弟攏趁的命令。
- 33
- 西布倫有會出陣者,攏交戰會用逐樣的軍器者,有五萬人,會排隊伍,無二樣心。
- 34
- 屬拿弗他利者,有一千個軍長;夯屏牌、抬槍來隨者有三萬七千人。
- 35
- 但的支派,會排陣的二萬八千六百人。
- 36
- 屬亞設的,會出軍排陣的有四萬人。
- 37
- 約但河的東旁流便人、迦得人、瑪拿西半支派的人,抬逐樣的軍器來交戰的有十二萬人。
- 38
- 諸個戰士攏會排隊伍,誠實心到希伯崙,欲設立大衛做以色列全國的王。以色列其餘的人也同一樣的心欲設立大衛做王。
- 39
- 踮遐三日久,及大衛相及踮也飲也食,因為的兄弟給備辦便便。
- 40
- 倚近的人直到以薩迦、西布倫、拿弗他利的人將驢、駱駝、騾、牛,載麵粉食物,及無花果餅、葡萄干、酒、油來遐,也有帶牛羊攏真多,因為佇以色列中有大歡喜。
如需更多版本聖經,請到台灣聖經公會聖經網站瀏覽與查詢 |
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您! |