
歷代志上 第 20 章 - 台語漢字羅馬本
- 1
- 年頭,列王出來交戰的時,約押導軍兵毀壞亞捫人的地,圍困拉巴;大衛猶原踮佇耶路撒冷。約押拍拉巴的城,捙倒伊。
- 2
- 大衛搶的王所戴金的冕旒,秤伊的金重一他連得,閣鑲寶石;人將此個冕旒戴佇大衛的頭殼。大衛對城內搶伊的財物多多,
- 3
- 將城內的人拖出來,用鋸仔、用鐵耙、用斧頭死,大衛用按呢款待亞捫逐個城。大衛就及眾百姓攏倒去耶路撒冷。
- 4
- 了後,及非利士人交戰佇基色。戶沙人西比該死大漢人一個子名叫細派,非利士人就降服。
- 5
- 閣及非利士人交戰。彼時睚珥的子伊勒哈難死迦特人歌利亞的兄弟拉哈米;此人的槍柄大親像布機的軸心。
- 6
- 閣佇迦特交戰。佇遐有一個大漢人,手腳攏有六支指頭仔,共有二十四支,伊也是大漢人的子。
- 7
- 此人侮慢以色列人的時,大衛的兄示米亞的子約拿單死伊。
- 8
- 諸個人攏是佇迦特的大漢人生的,攏死佇大衛的手及伊的人臣的手。
如需更多版本聖經,請到台灣聖經公會聖經網站瀏覽與查詢 |
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您! |