哥林多前書 第 10 章 - 台語漢字羅馬本

1

兄弟啊，我呣愛恁呣知咱的列祖攏佇雲下，也攏對海中經過，

2

也攏佇雲中、海中受洗禮歸佇摩西；

3

也攏食同一樣靈的食，也攏飲同一樣靈的飲。

4

因為所飲的，是對隨靈的石磐出；彼個石磐就是基督。

5

若是中間卡多人互上帝無歡喜，因為的身屍橫逆佇曠野。

6

今諸個事是做咱的鑑戒，互咱莫得愛歹，親像愛歹一樣；

7

恁也莫得拜偶像，親像中間有人拜伊。照所記載講：「百姓坐飲食，起來跳舞。」

8

咱也莫得行淫，親像中間有人行淫，一日死二萬三千人；

9

咱也莫得試主，親像中間有人試伊，就互蛇咬死。

10

恁也莫得耦耦唸，親像中間有人耦耦唸，就互剿滅的滅。

11

今抵著諸個事是做鑑戒，續記載來警戒咱，就是諸個世代尾的人。

12

所以，家己掠做徛在的，著謹慎，驚了跋倒。

13

恁所抵著的試，無呣是人的常事。上帝是信實，無欲互恁抵著試過頭佇恁所會當；就是佇受試的時，欲續開脫出的路，互恁當會起。

14

所以我所疼的兄弟啊，著閃避拜偶像的事。

15

我所講是親像對智識的人講，恁著省察我的話。

16

祝謝的杯咱所祝謝的，豈呣是相及有份佇基督的血嗎？咱所擘的餅，豈呣是相及有份佇基督的身軀嗎？

17

因為餅既然一個，咱雖然多多人，也是一體，因為攏有份佇一個餅。

18

試看照肉體的以色列人，許個食祭物的豈呣是相及有份佇祭壇嗎？

19

按呢我是講甚麼？豈是講祭偶像的物是甚麼？

20

抑是講偶像是甚麼？是講外邦人所祭的是祭鬼，呣是祭上帝。我呣愛恁有份佇鬼。

21

恁會飲主的杯兼飲鬼的杯，會有份佇主的桌兼有份佇鬼的桌。

22

抑是咱激互主受氣嗎？咱豈卡勇壯伊嗎？

23

凡事攏通，總是無攏有利益。凡事攏通，總是無攏建立德行。

24

莫得求利益家己，著求利益別人。

25

見若街市所賣的，通食，莫得為著良心的緣故來查問，

26

因為地及通地裡的物攏是主的。

27

若有一個呣信的人請恁，也恁愛欲去，見若排請恁的，通食伊；莫得為著良心的緣故來查問。

28

設使有人給恁講：「此個是祭物」，就莫得食，這是為著彼個給恁講的人以及良心的緣故。

29

所講的良心呣是家己的，是彼人的。因為我的自由啥事互別個良心擬議啊？

30

我若感恩來食，啥事為著我所感謝的互人誹謗啊？

31

所以，恁或是食或是飲，或是做甚麼，攏著因為榮光上帝來做。

32

無論猶太，抑是希利尼，抑是上帝的教會，恁莫得做的塞礙；

33

親像我凡事互眾人歡喜，無求家己的利益，就是求眾人的利益，愛欲互得著救。