哥林多前書 第 6 章 - 台語漢字羅馬本

1

恁中間有人及人冤家，豈敢告佇不義的人的面前，也無佇聖徒的面前嗎？

2

抑是恁呣知聖徒欲審判世間？世間尚且互恁審判，也堪得審判極小可的事嗎？

3

豈呣知咱欲審判天使？何況今世的事嗎？

4

今恁若有今世的事著審判，恁豈是用教會中無名字的審判嗎？

5

我講按呢是欲互恁見誚。豈是恁中間無一個智識的人會判斷佇伊的兄弟中？

6

竟然兄弟告兄弟，續告佇呣信的人的面前。

7

今恁有相告的事，已經攏是恁的大失錯。啥事呣寧可受冤枉？啥事呣寧可受剋虧啊？

8

若是恁竟然冤枉人、剋虧人，況兼諸個是兄弟。

9

豈呣知不義的人會承接上帝的國嗎？莫得錯誤！淫亂的、拜偶像的、行姦淫的、做孌童的、好男色的、

10

做賊的、貪心的、好酒的、詈罵人的、勒索人的，攏得著承接上帝的國。

11

恁中間有人早是按呢；若是佇主耶穌基督的名，及咱的上帝的神，已經洗清，已經得著成聖，已經稱做義。

12

凡事我攏通，若是無一盡有利益。凡事我攏通，若是無一項，我欲互伊管。

13

食是為著腹肚，腹肚也是為著食；總是此二項上帝欲廢伊。獨獨身軀呣是為著淫亂，是為著主；主也是為著身軀。

14

上帝曾互主復活，也欲對伊的權能互咱復活。

15

豈呣知恁的身軀是基督的百體？我豈通將基督的百體互伊做娼妓的百體嗎？斷斷呣通！

16

抑是恁呣知及娼妓聯合的，是及伊做一體？因為講：「二個欲成做一體。」

17

獨獨及主聯合的，是一個神。

18

著閃避淫行。人所犯，逐項的罪，攏是身軀外的，若是行姦淫的，是犯罪到佇家己的身軀。

19

抑是恁呣知恁的身軀就是聖神的殿？聖神佇恁，就是恁對上帝所有的；閣恁呣是家己的，

20

因為是用價錢買的。所以，著佇恁的身軀榮光上帝。