撒母耳記上 第 24 章 - 台語漢字羅馬本

1

掃羅追非利士人倒來的時，有人給伊講：「看啊，大衛踮佇隱基底的曠野。」

2

掃羅就對以色列中導揀選的兵三千，去尋大衛及隨伊的人，去野山羊的石磐。

3

到路邊的羊　，佇遐有洞，掃羅入去欲大便。大衛及隨伊的人匿佇洞內卡深的所在。

4

跟隨大衛的人給伊講：「耶和華曾給你講：『我欲將你的對敵交佇你的手，照你所看做好的款待伊。』看啊，彼個日到啦！」大衛就起來，暗靜割掃羅外服的衫仔裾。

5

後來大衛心內家己責備，因為割掃羅的衫仔裾；

6

對隨伊的人講：「願耶和華禁止我，對我的主耶和華所抹油者行此個事起手來攻擊伊，因為伊是耶和華所抹油者。」

7

大衛用諸個話阻止隨伊的人，呣准起來攻擊掃羅。掃羅起來，對洞內出去行伊的路。

8

後來大衛也起來，對洞內出去，佇掃羅的後面叫講：「我的主，我的王！」掃羅越頭看，大衛就屈身、仆佇地裡拜。

9

大衛對掃羅講：「你啥事聽人的話，講，大衛想欲害你啊？

10

今仔日你親目看見，今仔日你佇洞內，耶和華將你交佇我的手；有人教我你，總是我疼惜你，我講：『我無欲伸手害我的主，因為伊是耶和華所抹油者。』

11

我的父啊，你看唧看你外服的衫仔裾佇我的手。我割你的外服衫仔裾，無你；對按呢你通看出就知我的手無做甚麼歹無悖逆你。我呣曾得罪你，總是你親像拍獵數想我的生命。

12

願耶和華佇你我的中間判斷，耶和華欲佇你的身上給我伸冤，總是我的手無欲害你。

13

親像古早人有一句俗語講：『歹事對歹人出。』總是我的手呣共你。

14

以色列王出來欲尋是誰啊？你追是誰啊？不過尋一隻死狗，一粒虼蚤。

15

所以願耶和華做審判司，判斷佇你我的中間，閣鑑察來辯護我的案件，救我出你的手。」

16

大衛對掃羅講諸個話息，掃羅講：「我的子大衛，這是你的聲嗎？」掃羅就出聲啼哭，

17

給大衛講：「你比我卡公義；因為你用好報我，總是我用歹報你。

18

你今仔日是表明用好款待我；因為耶和華將我交佇你的手，總是你無死我。

19

人若抵著伊的對敵，豈有放伊平安去嗎？願耶和華因為你今仔日對我所行的，用好報你。

20

看啊，今我知你的確欲做王，以色列國欲堅固佇你的手。

21

今你著指耶和華對我咒誓，我過身了，無剪除我的後裔，佇我的父的家無滅無我的名。」

22

大衛就向掃羅咒誓，掃羅就倒去伊的厝；大衛及隨伊的人上去衛所。