提摩太前書 第 1 章 - 台語漢字羅馬本

1
保羅做基督耶穌的使徒,照救咱的上帝及互咱有向望的基督耶穌所命令的,
2
批寄互提摩太,就是佇信做我真的子的。願你對父上帝及咱的主基督耶穌得著恩典、憐憫、平安!
3
我去馬其頓的時,曾勸你猶原住以弗所,互你通吩咐幾若人莫得傳別號的教,
4
也莫得愛聽無影跡的話及無窮盡的族譜;凡若此號是生出辯論,呣是互上帝佇信所安排的得著成。
5
若是誡命的宗旨是仁愛;此個仁愛是對清氣的心及無通責備的良心,及無假的信生出。
6
有人失落諸個,反轉向浮漂的談論,
7
愛做教法師,也曉得家己所講的,以及所集的言論是為著甚麼。
8
咱知律法是好,獨獨人著合法來用伊;
9
也著知律法的設立呣是為著義的人,就是為著不法及無順服的,無敬虔及犯罪的,無聖潔及粗俗的,拍死父拍死母的,死人的,
10
行淫的,好男色的,做販俏的,講白賊的,濫糝咒誓的,抑是有甚麼別項逆正教的事。
11
這是照大福氣的上帝交託我榮光的福音所講的。
12
我感謝互我有氣力的就是咱的主基督耶穌,因為伊掠我做盡忠,設立我做差用。
13
我前是謗瀆的,窘逐的,侮慢的;總是我此號所做是出佇呣知呣信,才得著憐憫。
14
閣咱的主的恩典是格外豐盛,互我佇基督耶穌有信有疼的心。
15
有一句話通信,通齊全接納的,就是「基督耶穌臨到世間,欲救有罪的人。」其中我是第一歹。
16
若是我得著憐憫,是因為耶穌基督欲佇我第一歹的人顯明伊一切的吞,來做後來信靠伊得著永活的人的模樣。
17
願尊貴、榮光歸佇毀壞、看著、萬世代的王、獨一的上帝,到代代無盡。阿們!
18
我的子提摩太啊,我照前所論到你的讖語,將此個誡命交託你,互你用諸個讖語來爭戰彼個好的爭戰。
19
著存信及無通責備的良心,有人放拺此個,論到信就失落伊,親像摃破船。
20
其中有許米乃及亞力山大;我已經將交互撒但,互受警戒呣通誹謗。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!