歷代志下 第 30 章 - 台語漢字羅馬本

1
希西家差人到以色列及猶大遍地,閣寫批互以法蓮及瑪拿西,愛到耶路撒冷耶和華的殿,守過節服事耶和華──以色列的上帝;
2
因為王及伊的首領,及佇耶路撒冷的會眾,已經相及議論欲佇二月守過節。
3
彼時會守;因為家己清氣的祭司猶無夠額,百姓也無有聚集佇耶路撒冷;
4
王及會眾攏看此個代誌做好。
5
就定著命令,宣佈佇以色列全地,對別是巴到但,互攏來,佇耶路撒冷守過節服事耶和華──以色列的上帝;因為百姓平素無多多人照所寫的規例來守伊。
6
走文書的帶王及伊許個首領的批,遍行以色列及猶大地。照王的命令講:「以色列人啊,恁著閣歸向亞伯拉罕、以撒、以色列的上帝──耶和華,伊就欲歸向恁就是脫離亞述許個王的手所剩的百姓。
7
恁呣通親像恁的列祖及恁的兄弟;干犯耶和華──列祖的上帝,致到伊互抵著滅無,親像恁所看見的。
8
今呣通親像恁的列祖來硬頷頸,著獻家己互耶和華,入伊的聖所,就是伊永遠分別做聖者;閣著服事耶和華──恁的上帝,通互伊的大受氣越轉離開恁。
9
因為恁若歸向耶和華,就恁的兄弟及恁的子兒欲佇掠的人的面前得著憐憫,通閣倒來此所在,因為耶和華──恁的上帝是慈悲、憐憫。恁若歸向伊,伊的確無越伊的面呣看恁。」
10
走文書的一城過一城,遍行以法蓮、瑪拿西,到西布倫。若是許個人恥笑,譏刺。
11
總是亞設、瑪拿西、西布倫的中間也有人家己謙卑,來到耶路撒冷。
12
上帝也感動猶大人,互一心趁王及許個首領照耶和華的話所出的命令。
13
二月,有多多人聚集佇耶路撒冷,成做真大的會,欲守除酵節。
14
起來,一盡除去耶路撒冷所有的壇及燒香的壇,佇汲淪溪。
15
二月十四日過節的羊仔。祭司及利未人家己見誚,清氣家己,帶燒祭到耶和華的殿,
16
照上帝的奴僕摩西的律法,照例逐人徛伊的位;祭司將對利未人的手接血,來灑伊。
17
會中有多多人無清氣家己,所以託利未人替一切無清氣的人過節的羊仔,互佇耶和華的面前成做清氣。
18
因為以法蓮、瑪拿西、以薩迦、西布倫有多多人無清氣家己,總是也食過節,無合所記載的例。
19
因為希西家替祈禱講:「見若有決斷的心尋上帝,就是耶和華──列祖的上帝,雖然無照聖所清氣的禮家己清氣,求至好的耶和華也赦免。」
20
耶和華聽希西家祈禱,就醫好百姓。
21
住佇耶路撒冷的以色列人大大歡喜,守除酵節七日久。利未人及祭司日日謳咾耶和華,用響亮的樂器謳咾耶和華。
22
希西家安慰一切服事耶和華的利未人。對按呢眾人食節筵七日,獻謝恩節,閣認罪佇耶和華──列祖的上帝的面前。
23
全會議論,欲閣守節七日;對按呢歡喜閣守七日。
24
因為猶大王希西家送會眾牛一千隻,羊七千隻做祭物;眾首領也送會眾牛一千隻,羊一萬隻,閣多多祭司家己清氣。
25
猶大會眾及祭司、利未人,及許個對以色列來的會眾以及許個對以色列地來的出外人,及徛起佇猶大的出外人,攏歡喜快樂。
26
對按呢,佇耶路撒冷大歡喜,因為對以色列王大衛的子所羅門的時,佇耶路撒冷未曾有按呢。
27
彼時,祭司、利未人起來,給百姓祝福。的聲得著聽見,的祈禱透到伊徛起的聖所,到佇天裡。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!