撒母耳記下 第 4 章 - 台語漢字羅馬本

1

掃羅的子聽見押尼珥死佇希伯崙，手就軟落去；以色列眾人也攏愣愣。

2

掃羅的子有二個隊長，一個名巴拿，一個名利甲，是便雅憫支派、比錄人臨門的子。因為比錄也屬佇便雅憫。

3

比錄人早前走到基他音，出外佇遐，到今仔日。

4

掃羅的子約拿單有一個子二腳攏跛，名叫米非波設。當掃羅及約拿單的消息對耶斯列傳來的時，伊抵仔五歲。伊的奶母抱伊走；因為走真緊，囝仔跋落來，就致跛腳。

5

比錄人臨門的子利甲及巴拿出去，約略日燒烙的時到伊施波設的厝；伊佇中晝抵仔睏。

6

入厝內，假影欲扒麥，就刺透伊施波設的腹肚，利甲及伊的兄弟巴拿就逃走。

7

入房內的時，伊施波設抵仔佇房內倒佇床裡睏，就拍伊死伊，割伊的頭殼，帶伊去，對亞拉巴的路透暝行，

8

帶伊施波設的頭殼到希伯崙大衛遐，給王講：「你的對敵掃羅曾數想你的生命的。看啊，這是伊的子伊施波設的頭殼；耶和華今仔日為著我的主我的王報仇佇掃羅及伊的後裔。」

9

大衛應比錄人臨門的子利甲及伊的兄弟巴拿給伊講：「耶和華救贖我的生命、脫離攏總的苦難，我指伊的永活來咒誓：

10

前有人報我講，掃羅已經死，伊家己掠做是報好消息；我就掠伊，佇洗革拉給伊死，這是我互伊做傳消息的報賞。

11

何況歹人入義人的厝伊佇眠床裡，我豈無欲對恁的手討伊的血、除滅恁佇地上嗎？」

12

大衛命令伊的少年人，就死，斬斷的腳手，吊佇希伯崙的池邊，也將伊施波設的頭殼埋葬佇希伯崙押尼珥的墓。