使徒行傳 第 22 章 - 台語漢字羅馬本

1
「列位父兄啊,我今對恁家己分訴,請恁聽。」
2
聽見伊用希伯來的腔口對講,就閣卡安靜。
3
保羅講:「我就是猶太人,出世佇基利家的大數,長成佇此個城,做迦瑪列的學生,照咱祖宗律法的嚴謹來受教示,為著上帝來熱心,親像今仔日恁眾人一樣。
4
我曾窘逐趁此個路的人,互伊死,無論男女攏縳送落監。
5
祭司頭及長老的全會通做我的干證。我亦對得著寄互兄弟的批,去大馬色,欲縛佇遐的人拖到耶路撒冷,受刑罰。」
6
「行近大馬色,彼時約略日中晝,忽然對天有大光圍纍照我。
7
我就仆佇地裡,聽見有聲對我講:『掃羅!掃羅!啥事窘逐我?』
8
我應講:『主啊,你是是誰?』伊應我講:『我就是拿撒勒的耶穌,你所窘逐的。』
9
及我佇的人看見彼個光,無聽見給我講者的聲。
10
我講:『主啊,我著怎樣做?』主給我講:『起來,入大馬色,凡所定著你行的,佇遐欲給你講。』
11
我因為彼個光的燦爛就看見,互相及佇的人牽入大馬色。
12
有一人,名叫亞拿尼亞,照律法是敬虔的人,互佇遐的眾猶太人所謳咾。
13
伊就近我,來徛佇身邊,給我講:『兄弟掃羅,你通閣看。』
14
我即時抬目看伊。閣講:『咱列祖的上帝已經定著你來知伊的旨意,看彼個義的,閣聽伊的嘴所出的聲。
15
因為你欲將所看見,所聽見的,為著伊做干證佇眾人。
16
今啥事延延啊?起來,求伊的名來受洗禮,洗除你的罪。』」
17
「後來,我倒轉到耶路撒冷,佇殿裡祈禱的時,神遊佇象外,
18
看見伊對我講:『你著趕緊出耶路撒冷,因為你為著我所干證的,許個人欲呣接納。』
19
我講:『主啊,攏知我平素佇逐個會堂將信你的人關監,閣拍。
20
閣做你的干證的司提反流血的時,我亦徛倚同歡喜;閣顧害死伊的人的衫。』,
21
主給我講:『去啊!我欲差你去遠遠就近外邦人。』」
22
聽到此句話,就大聲講:「此號人,著對地裡除去!伊呣應該活。」
23
眾人嘩嘩嚷,褪衫,拂土粉佇空中。
24
千總就命令帶保羅入營盤,用鞭拍來審問伊,愛知為著甚麼緣故眾人按呢嚷伊。
25
抵仔用皮帶縛伊,保羅對邊仔徛的百總講:「做羅馬人,未定罪,恁拍伊,通嗎?」
26
百總聽見,就去給千總講:「你欲怎樣做?因為此個是羅馬人。」
27
千總就近來對伊講:「給我講,你是羅馬人抑呣是?」伊講:「是。」
28
千總應講:「我用多多銀買入此個籍。」保羅講:「我出世就是。」
29
對按呢欲拍問伊的人就連鞭離開伊。千總既然知伊是羅馬人,因為曾縳伊,亦真驚。
30
隔日,愛知保羅互猶太人告的實情,就給伊解開,命令諸個祭司頭及全公會聚集,就帶保羅落來,互伊徛佇的面前。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!