使徒行傳 第 8 章 - 台語漢字羅馬本

1
彼日,佇耶路撒冷的教會抵著大窘逐,使徒以外,攏四散佇猶太、撒瑪利亞諸個地方。
2
有敬虔的人埋葬司提反,為著伊搥胸大啼哭。
3
掃羅大陷害教會,入逐人的家,拖的男女送交落監。
4
對按呢許個四散的人遍行傳福音的道理。
5
腓利落去撒瑪利亞的城,用基督傳互。
6
眾人聽見,閣看見所行的神蹟,就同心意向腓利的話。
7
因為多多人有患著邪神,許個邪神大聲喉叫,出去;半旞的、跛腳的,亦多多得著醫好。
8
彼個城內大歡喜。
9
總是有一人,名叫西門,平素佇城內行邪術,自誇做大,互撒瑪利亞的百姓卬愕;
10
對細到大無呣意向伊,講:「此人是上帝的權能就是彼個稱做大者。」
11
意向伊的緣故,是因為伊久久用邪術,互卬愕。
12
到信腓利所傳的福音,論上帝的國及耶穌基督的名,就有男女受洗禮。
13
西門家己也信;已經受洗禮,常常跟隨腓利,看伊所行諸個神蹟大權能,就卬愕。
14
佇耶路撒冷的使徒聽見撒瑪利亞已經接納上帝的道理,就差彼得、約翰去遐。
15
已經落去,就替祈禱,互受聖神。
16
因為聖神猶未臨到一人,只有受洗禮歸佇主耶穌的名若定。
17
對按呢給按手,就受聖神。
18
總是西門看見對使徒的按手,就有聖神互人,才將錢獻互,
19
講:「亦將此個權互我,致到我的手所按的人受著聖神。」
20
獨獨彼得對伊講:「你的銀及你相及滅無!因為你拍算上帝的賞賜欲用錢來買。
21
你佇此個事無份無干涉;因為佇上帝的面前,你的心不正。
22
所以著反悔離開你此個歹,來求主,豈採你心內的念頭會得赦免。
23
因為我看見你入佇苦膽的中間,互不義捆縛。」
24
西門應講:「恁替我求主,互恁所講的攏無到佇我。」
25
已經做干證來傳主的道理,就倒去耶路撒冷佇撒瑪利亞人多多的鄉社傳福音。
26
主的天使對腓利講:「起來!對南勢去,到對耶路撒冷落去迦薩的路。」遐就是曠野。
27
就起來去,抵當有一個埃提阿伯人,就是埃提阿伯女王甘大基有權的太監,總管伊的銀庫,伊已經到耶路撒冷敬拜。
28
倒轉來,坐佇車裡,讀先知以賽亞的冊。
29
聖神給腓利講:「進前去!近倚彼張車。」
30
腓利走去就近伊,聽見伊讀先知以賽亞的冊,就講:「你所讀的,你會明白嗎?」
31
伊講:「無人指示我,豈可會?」就請腓利上車,相及坐。
32
所讀的聖經就是此段:伊互人牽,親像羊到受的所在,伊無開嘴;親像羊仔對剪毛的無出聲。
33
伊卑微的時,受無公義的審判。伊的世代是誰欲傳述?因為伊的活命對地上受奪去。
34
太監應腓利講:「請問,先知講此個話是指甚麼人?是指本身?抑是別人啊?」
35
腓利就開嘴對此個聖經起,用耶穌傳互伊。
36
行路的時,到有水的位,太監講:「你看,遮有水,我受洗禮有甚麼阻礙?」
37
{腓利說:「你若是一心相信,就可以。」他回答說:「我信耶穌是基督是上帝的兒子。」〔台語羅馬譯本無此節!〕}
38
就吩咐停車,腓利及太監二人落水,腓利就給伊行洗禮。
39
對水裡上來的時,主的神帶腓利去,太監無閣看見伊,因為做伊上路,也真歡喜。
40
後來腓利佇亞鎖都互人抵著;就遍行諸個城傳福音,直到該撒利亞。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!