申命記 第 29 章 - 台語漢字羅馬本

1
諸個是耶和華佇摩押地命令摩西及以色列人立約的話,是伊佇何烈及所立的約以外的。
2
摩西召以色列眾人來,給講:「耶和華佇埃及地,佇恁的目睭前對法老及伊的眾人臣,以及伊全地所行一切的事恁攏有看見,
3
就是你親目看見的大試驗及神蹟,及許個大奇事。
4
總是到今仔日耶和華猶無互你會曉悟的心,會看見的目睭,會聽見的耳孔。
5
我導恁佇曠野四十年,恁身軀的衫無破,腳裡的鞋也無破。
6
恁無食餅,也無飲清酒厚酒。這是欲互恁知,我就是耶和華──恁的上帝。
7
恁到此所在,希實本王西宏、巴珊王噩出來及咱交戰,咱就攻擊,
8
取的地互流便的支派、迦得的支派,及瑪拿西半支派做業。
9
所以恁著執守來行此個約的話,通互恁佇一切所行的事亨通。
10
「今仔日恁眾人、恁的首領、恁的支派、恁的長老、恁的官長、以色列的查甫丁,恁的子兒恁的某,及你營內的出外人,對恁的劈柴的到恁的汲水的,攏徛佇耶和華──恁的上帝的面前,
11
(見申29:10)。
12
互你入佇耶和華──你上帝的約,也入佇耶和華──你上帝今仔日及你所咒誓的。
13
互伊照伊所曾對你講的,閣照伊對你的列祖亞伯拉罕、以撒、雅各所咒誓的,今仔日設立你做伊的百姓,伊做你的上帝。
14
我呣若及恁立此個約,及此個咒誓,
15
也是及許個今仔日及咱同徛佇耶和華──咱上帝的面前的,以及今仔日無及咱同佇的人立的。」
16
「因為咱有怎樣踮佇埃及地,也咱有怎樣經過恁所對遐過的列國;這是恁所知的。
17
恁也看見中間通厭惡的物,及許個柴、石、金、銀的偶像。
18
驚了恁中間,查甫人抑是查某人,或是家族或是支派,的心今仔日悖謬耶和華──咱的上帝,去服事許個國的上帝;閣驚了恁中間有歹根生出毒草及茵蔯,
19
伊聽見此個咒詛的話,心內猶原家己安慰講:『我雖然行代誌心硬,將乾的、 的攏毀滅,我猶久會平安。』
20
耶和華無欲赦免伊;耶和華的受氣及妒忌欲燒彼人,將此本冊所記一切的咒詛攏欲到佇伊的身軀。耶和華閣欲對天下擦滅伊的名,
21
耶和華也欲照此個律法的冊所記載的約一切的咒詛,對以色列眾支派的中間分別伊,互伊抵著災禍。
22
就後代,恁後輩的子孫,及遠遠來的外國人,看見彼所在的災禍,以及耶和華所互抵著的病症,
23
閣看見遍地有硫磺,有鹽,有火燒,無種作,無出產,連草也無發生佇遐──親像所多瑪、蛾摩拉、押瑪、洗扁的毀壞,就是耶和華大受氣的時所毀壞的一樣──
24
許個列國攏欲講:『耶和華啥事對此個地按呢行啊?此個受氣許猛烈是甚麼意思啊?』
25
人欲講:『是因為棄拺耶和華──列祖的上帝的約,是伊導出埃及地的時所立的,
26
去趁別個上帝服事伊,是平素所呣識的上帝,耶和華未曾分派互的。
27
所以耶和華發大受氣佇此個地,將此個冊所記一切的咒詛攏降落佇伊。
28
耶和華佇受氣中、大受氣、痛恨拔出伊的地,佇外邦,親像今仔日一樣。』
29
「秘密的事屬佇耶和華──咱上帝的;顯明的事是永遠屬佇咱及咱的子孫,欲互咱行此個律法一切的話。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!