以斯帖記 第 7 章 - 台語漢字羅馬本

1
王及哈曼來赴王后以斯帖的筵席。
2
此個第二日王佇酒筵席的中間,閣問以斯帖講:「王后以斯帖啊,你所請是甚麼,欲互你;你所求是甚麼,就國的一半也欲做成伊。」
3
王后以斯帖應講:「王啊,我若得著恩典佇你的目睭前,王若掠做好,就願你允我所請,用我的生命互我;允我的所求,用我的宗族互我。
4
因為我及我的宗族受賣,欲剿滅死阮互阮死無。設使賣阮做奴僕做女婢,雖然對敵會補王的損失,我也靜靜。」
5
亞哈隨魯王應王后以斯帖講:「敢存心做此個事的是是誰?彼人佇叨落!」
6
以斯帖講;「仇讎對敵就是此個歹人哈曼!」哈曼佇王及王后的面前就真驚。
7
王大受氣,對酒筵起來入去王宮的花園。哈曼也起來對王后以斯帖求生命,因為看見王決意欲刑罰伊。
8
王對王宮的花園倒轉來酒筵的所在,彼時哈曼已經仆落佇以斯帖所佇的床,王講:「伊閣佇宮內、佇我的面前欲凌辱王后嗎?」話對王的嘴講出,人就蓋哈曼的面。
9
伺候王的太監有一個名叫哈波拿,講:「看啊,哈曼為著末底改 一個五十肘高的柴架,末底改就是前日用盡忠的話報王的,今彼個架 佇哈曼的家。」王講:「吊伊佇彼頂面。」
10
人就吊哈曼佇伊給末底改所備辦的柴架頂。王的受氣才息。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!