以斯帖記 第 8 章 - 台語漢字羅馬本

1
當彼日,亞哈隨魯王將猶大人的對敵哈曼的家產賞賜王后以斯帖。末底改也來王的面前,因為以斯帖已經給王講,末底改是伊的甚麼親。
2
王剝家己的手指來互末底改,就是對哈曼提倒轉的。以斯帖閣設立末底改來管理哈曼的家產。
3
以斯帖閣講佇王的面前,仆佇伊的腳下,流目屎,求伊除亞甲族哈曼的陷害以及伊謀害猶大人的計謀。
4
王向以斯帖抬起伊金的枴仔;以斯帖就起來,徛佇王的面前,
5
講:「王若掠做好,我若得著恩典佇王的目睭前,王掠此個事做著,我若得著歡喜佇王的目睭前,就懇求出詔,取消亞甲族哈米大他的子哈曼所計謀的詔,就是伊所寫欲滅王逐省的猶大人的。
6
因為我豈會忍得看見家己的百姓受陷害?豈會忍得看家己的宗族受滅啊?」
7
亞哈隨魯王就給王后以斯帖及猶大人末底改講:「因為哈曼謀害猶大人,我已經將伊的家產互以斯帖,人也將哈曼吊佇柴架頂。
8
恁也通用王的名照恁的意思寫諭旨互猶大人,用王的手指蓋印;因為見若用王的名來寫的,用王的手指蓋印的詔,無人會取消伊。」
9
第三月,就是西彎月二十三日,彼時召王的書記來,照末底改一切所命令的,出詔互猶大人,也到佇人臣及逐省的總督、首領,就是對印度到古實共一百二十七省,到佇逐省照的文字,到逐族的百姓照的腔口,到猶大人照的文字、照的腔口。
10
末底改用亞哈隨魯王的名寫諭旨,用王的手指蓋印,將彼個詔交佇騎馬的走文書者,騎王的馬 所生的,國內公事用的好馬,來傳伊。
11
佇諭旨的內面,王准佇逐個城的猶大人聚集,起來保護家己的生命,見若逐省的兵及百姓欲攻擊的,通剿滅死互死無及的囝仔婦仁人,搶的貨財做贓物。
12
佇亞哈隨魯王的逐省,佇十二月,就是亞達月十三日,彼一日的內面通按呢做。
13
抄寫彼個諭旨,頒行逐省,報告逐族,互猶大人備辦聽候彼日,對伊的對敵來報仇。
14
許個走文書者奉王的命令真迫切,騎國內公事所用的快馬緊緊起身,此個詔也頒行書珊宮。
15
末底改穿藍色白色的朝服,戴大頂的金冕旒,閣穿紫色幼苧布的外服,對王的面前出來;書珊城的百姓攏出歡喜快樂的聲。
16
猶大人有榮光,歡喜快樂尊貴。
17
王的諭旨所到的逐省逐城,猶大人攏歡喜快樂,設筵席,掠彼日做好日,彼所在的百姓,因為驚猶大人,多多入猶大籍。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!