出埃及記 第 4 章 - 台語漢字羅馬本

1

摩西應講：「看啊，欲呣信我，也呣聽我的話，因為欲講：『耶和華未曾對你出現。』」

2

耶和華對伊講：「佇你手裡是甚麼？」伊講：「是枴仔。」

3

講：「佇地裡。」伊一下佇地裡，就變做蛇；摩西就走閃伊。

4

耶和華對摩西講：「伸你的手掠伊的尾，就伸手掠伊，佇手中猶原變做枴仔；

5

按呢通互信耶和華──的祖公的上帝，亞伯拉罕的上帝，以撒的上帝，雅各的上帝，有對你出現。」

6

耶和華閣對伊講：「下你的手佇你的胸前。」就下手佇胸前，抽出來的時，看啊，手已經癩，白親像雪。

7

閣講：「閣下你的手佇你的胸前。」伊就下佇伊的胸前，抽出來的時，看啊，已經照原，及通身軀的肉無各樣；

8

閣講：「設使無欲信你，也無欲聽頭一個神蹟，就欲信第二個神蹟。

9

彼二個神蹟若攏呣信，也呣聽你的話，你著對河裡舀水，倒佇乾地，你對河裡所舀的水欲佇乾地變做血。」

10

摩西對耶和華講：「主啊，我平素呣是會講話的人，對你給你的奴僕講話的了後，也是按呢。我是嘴舌鈍的人。」

11

耶和華對伊講：「創造人的嘴是是誰啊？互人啞口、臭耳聾、目睭金、睛暝的是是誰啊？豈呣是我──耶和華嗎？

12

今你去啊，我欲賞賜你口才，教示你所應該講的。」

13

伊講：「主啊，你合意差是誰，就差伊去！」

14

耶和華對摩西發出受氣講：「豈呣是有你的兄利未人亞倫嗎？我知伊是會講話的人；閣伊今出來迎接你，伊一下看見你，心內就歡喜。

15

你著對伊講，用所應該講的話傳互伊；我也欲賞賜你及伊有口才，閣欲教示恁所應該行的事。

16

伊欲替你對百姓講話；伊欲對你准做嘴，你欲對伊准做上帝。

17

你的手著抬此支枴仔，用伊來行神蹟。」

18

對按呢摩西就去，倒去伊的丈人葉忒羅遐，給伊講：「求你容允我倒去看我的兄弟佇埃及的，看猶佇抑無。」葉忒羅給摩西講：「你通安然去啦！」

19

耶和華佇米甸對摩西講：「你去，倒去埃及，因為愛害你的生命的人攏死啦。」

20

摩西帶伊的某及二個子，互騎驢，倒去埃及地。摩西手裡抬上帝的柺仔。

21

耶和華對摩西講：「你倒去埃及的時，著注意將我所交佇你的手一切的奇事行佇法老的面前。總是我欲互伊的心硬，伊也無欲放此個百姓去。

22

你著給法老講：『耶和華按呢講：以色列是我的子，就是我的大子。

23

我曾對你講：著解放我的子去，通服事我。你也呣准伊去。看啊，我欲死你的子，就是你的大子。』」

24

摩西佇路裡佇客店，耶和華抵著伊，欲互伊死。

25

西坡拉就提一塊利石，割伊的子陽物的皮，佇伊的腳前，講：「你是我血的丈夫。」

26

耶和華就放伊息。婦仁人講：「你是血的丈夫，因為割禮的緣故。」

27

耶和華給亞倫說：「你去曠野迎接摩西。」伊就去，佇上帝的山抵著伊，就給伊唚。

28

摩西將耶和華差伊講的話及吩咐伊行的神蹟攏給亞倫講。

29

摩西、亞倫就去招集以色列人眾長老。

30

亞倫將耶和華對摩西所講的話攏講伊，閣佇百姓的面前行許個神蹟，

31

百姓就信。聽見耶和華眷顧以色列人，閣看的艱苦，就俯頭敬拜。