創世紀 第 19 章 - 台語漢字羅馬本

台語漢字羅馬本 » 創世紀 » 第 19 章
1
日暗，彼二個使者到所多瑪；羅得坐佇所多瑪城門裡，羅得看見，就起來迎接，鞠躬面向地，
2
講：「我的主啊，請越來奴僕的厝歇暝洗腳，明仔早起起來行恁的路。」講：「呣免！阮欲佇大街面過暝。」
3
羅得切切請，才越轉腳，越入伊的厝。羅得為備辦筵席，無酵餅就食。
4
猶未去睏，城內的人就是所多瑪人，對少年到老，四面來圍伊的厝，
5
叫羅得講：「今暗到你遮的人佇叨落？互出來，照阮所愛做。」
6
羅得出去到門外眾人遐，就將門關，
7
講：「兄弟啊！請恁莫得做此號歹。
8
你看，我有二個查某子，猶是在室女，容允我導出來，出在恁所愛來行；獨獨此二人已經到我的厝，呣通對做甚麼。」
9
眾人講：「你退去！」閣講：「此人寄居佇遮，續欲管轄阮嗎？今阮欲害你比害卡傷重。」就挨夾羅得，進前欲攻破伊的門。
10
總是彼二人伸手，牽羅得入厝，將門關起，
11
閣互門外的人，對細到大，目睭煙暈，攏看見；尋到倦尋無門。
12
彼二人對羅得講：「你佇遮猶有甚麼人？或是子婿或是子或是查某子，以及城內一切屬你的人，你著互攏出此所在。
13
因為阮欲剿滅此個所在；是為著喝喊的聲佇耶和華的面前真大，耶和華差阮來，欲剿滅伊。」
14
羅得出去，對娶伊的查某子的子婿講：「恁起來離開遮，因為耶和華欲滅無此個城。」伊的子婿掠做伊是講笑。
15
天光，使者催迫羅得講：「起來！導你的某以及你佇遮二個查某子去，驚了及此個城的罪惡相及受滅無。」
16
羅得延延。彼二人因為耶和華憐憫羅得，就牽伊的手及伊的某的手，及伊二個查某子的手，將伊導出，安置佇城外；
17
導出去了，講：「你著逃命，呣通越頭看，亦呣通住佇平洋。著走去山裡，驚了受滅無。」
18
羅得對講：「我的主啊！呣通按呢！
19
你看，你的奴僕已經得著恩典佇你的面前；你亦對我顯出極大的仁慈，救我的性命。我會走到山裡，驚了此個災禍到佇我，我就死。
20
你看，此個城近近通逃走，也是細，請容允我逃閃佇遐，來保全我的活命。此個城豈呣是細個嗎？」
21
伊對伊講：「此個代誌我亦允准你；你所講的城我無欲捙倒。
22
你著緊緊走去遐；因為你猶未到遐，我會做甚麼。」因為按呢彼個城名叫瑣珥。
23
羅得到瑣珥，日已經出。
24
彼時，耶和華將硫磺及火對天頂對耶和華遐，降落佇所多瑪及蛾摩拉，
25
將許個城以及全平洋，及城內所有的百姓，連地面上成長的，攏毀壞。
26
羅得的某佇後面一下越頭看，就變做一支鹽柱。
27
亞伯拉罕透早起來，到伊前日徛佇耶和華面前彼位，
28
向所多瑪蛾摩拉，及平洋的全地來看，看見彼所在火煙淐高，親像火爐的煙。
29
當上帝剿滅平洋諸個城的時，上帝數念亞伯拉罕，抵抵佇捙倒羅得所徛起的城的時，就教羅得對捙倒的中間出去。
30
羅得踮佇瑣珥驚惶，就及伊二個查某子對瑣珥上去，踮佇山裡；伊及二個查某子踮佇一個洞內。
31
大查某子對細查某子講：「咱的老父老啦，地上閣無人及咱做匹配來照人道。
32
來啦！通互老父飲酒，及伊相及睏。按呢，咱好通對伊留存後裔。
33
彼暝互老父飲酒，大查某子就入去及老父相及睏；伊甚麼時去睏，甚麼時起來，老父攏呣知。
34
隔日，大查某子給細查某子講：「我昨暝及老父相及睏。今暗咱閣互伊飲酒，你通入去及伊相及睏。按呢，咱好通對老父留存後裔。」
35
彼暝閣互老父飲酒，細查某子起來去及伊睏；伊甚麼時去睏，甚麼時起來，老父亦攏呣知。
36
按呢，羅得二個查某子攏對老父來懷孕。
37
大的生子，叫伊的名摩押，就是現今摩押人的祖。
38
細的也生子，叫伊的名便亞米，就是現今亞捫人的祖。
  • Change Bible

  • 搜尋聖經經文
  • 並排閱讀
台語漢字羅馬本聖經，部份字因為電腦編碼關係，需造字，無法正常顯示，您可使用「並排閱讀」功能，可同時顯示台語漢字羅馬本與巴克禮全羅，或點選連結：http://www.sl-pc.org.tw/bible/4_3，不便之處請包涵，上帝祝福您！