創世紀 第 29 章 - 台語漢字羅馬本

1
雅各起身,到東方的人的地,
2
看見田裡有一口井,有三陣羊倒佇井邊;因為人互羊群飲攏是用彼個井的水。井嘴用大石蓋。
3
平時羊群聚集佇遐,人就將石頭徙離井嘴互羊飲水,才閣將石頭徙到原位。
4
雅各對講:「兄弟啊,對叨落來?」講:「阮對哈蘭來。」
5
問講:「拿福的孫拉班,恁識伊嗎?」講:「識伊。」
6
閣對講:「伊平安嗎?」講:「平安。你看,伊的查某子拉結導伊的羊群來。」
7
講:「日猶高,精牲聚集的時未到,呣值著互羊飲水,閣去飼。」
8
講:「阮會,著聽候多多陣攏聚集,人徙石離開井嘴才通互羊飲。」
9
雅各及講話的時,拉結導老父的羊來,因為是伊顧。
10
雅各看見母舅拉班的查某子拉結及母舅拉班的羊群,就進前將石徙離井嘴,互母舅拉班的羊群飲。
11
雅各給拉結唚嘴,開聲哭。
12
雅各閣給拉結講,伊是老父的外甥,是利百加的子,拉結就走去給老父講。
13
拉班聽見外甥雅各的消息,就走去迎接伊,抱伊,及伊唚嘴,導伊到兜。雅各將一切的事情給拉班講。
14
拉班給雅各講:「你實在是我的骨肉。」伊就及伊住一月日。
15
拉班給雅各講:「你雖然是我的親戚,豈通白白做我的工?請給我講,你欲甚麼工錢?」
16
拉班有二個查某子,大的名叫利亞,細的名叫拉結。
17
利亞目睭卡輸,拉結生做好看。
18
雅各疼拉結,就講:「我願為著你細的查某子拉結給你做工七年。」
19
拉班講:「將伊嫁互你,卡好互別人,你及我住!」
20
雅各就為著拉結給伊做工七年;因為深疼伊,看做幾若日。
21
雅各對拉班講:「日期已經滿,求你將我的某互我,我通及伊同房。」
22
拉班聚集彼所在的眾人,辦筵席請。
23
到日暗,拉班將伊的查某子利亞送來互伊,雅各就及伊同房。
24
拉班將伊的女婢悉帕互伊的查某子利亞做女婢。
25
到天光,一下看見是利亞,就對拉班講:「你給我做的是甚麼?我給你做工,豈呣是為著拉結嗎?你啥事騙我?」
26
拉班講:「未嫁大的代先嫁細的,佇阮遮無人按呢做。
27
你及此個著滿七日,阮就將彼個亦嫁互你,你為著伊閣給我做工七年。」
28
雅各就照按呢行。及此個滿七日,伊就將伊的查某子拉結互伊做某。
29
拉班將伊的女婢辟拉互伊的查某子拉結做女婢。
30
雅各亦及拉結同房,閣疼拉結贏過利亞,就閣給拉班做工七年。
31
耶和華看利亞無得寵,就互伊懷孕,獨獨拉結無。
32
利亞懷孕生子,就給伊號名流便,因為講:「耶和華看見我的苦情,今我的丈夫欲疼我。」
33
伊閣懷孕生子,講:「耶和華聽見我無得寵,所以閣互我此個子」,就給伊號名西緬。
34
閣懷孕生子,講:「我給丈夫生三個子,伊欲及我結聯。」名叫利未。
35
閣懷孕生子,講:「此下我欲謳咾耶和華」,所以叫伊的名猶大。就停無閣生。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!