哈巴谷書 第 1 章 - 台語漢字羅馬本

1
先知哈巴谷所得著的默示
2
耶和華啊!我喉叫,你無聽,欲到底時啊?我因為強暴叫苦,你猶無拯救。
3
你啥事互我看見罪惡?橫逆的事,你啥事定定看?毀滅及強暴佇我面前,相爭相拍攏發起。
4
因為按呢律法放鬆,無行公平;歹人圍困義人,所以審判無正直。
5
恁著佇列國中看來想伊,大大卬愕;因為當恁的日,我欲行一項事,雖然給恁講,恁也呣信。
6
看啊,我欲興起迦勒底人,就是殘忍躁暴的邦國,遍行全地,霸佔許個呣是屬伊徛起的所在。
7
伊的威風通驚,判斷及權勢攏出佇家己的意思。
8
的馬比豹卡緊,比下昏時的豺狼卡猛。馬兵排列開闊,馬兵對遠遠來;親像鷹緊緊飛欲來食,
9
來欲行強暴,的面雄雄進前,聚集所掠的人,親像沙許多。
10
伊藐視君王,譏刺貴族,冷笑攏總的衛所,起土堆來攻取伊。
11
對按呢伊親像風掃過去,伊經過就犯罪,掠家己的氣力做上帝。
12
耶和華──我的上帝,我的聖者啊,你豈呣是對永遠就有嗎?阮致到死。耶和華啊,你為著審判來設立伊;石磐啊,你為著譴責來備辦伊。
13
你的目睭清氣,無欲看邪惡,無欲看橫逆;行詭詐者,你啥事定定看啊?歹人吞滅比伊卡公義者,你啥事靜靜啊?
14
你啥事互人親像海裡的魚,閣親像趖的蟲,無頭目管理啊?
15
伊用一盡釣,伊用網仔掠,用大網拋;為著按呢,伊歡喜快樂,
16
就獻祭互伊的網仔,燒香互伊的大網,因為對諸個得著肥娞的份額及充足的食物。
17
伊豈通傾空伊的網,常常死列國的人,也無保惜嗎?

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!