希伯來書 第 10 章 - 台語漢字羅馬本

1

因為律法既然有將來好事的影，無許個物的真形，永永會用逐年常常獻相同的祭，互親近的人得著完全。

2

若是會，就獻祭的事豈無停息嗎？因為服事的人，一下清氣，就良心無閣知有罪。

3

若是對諸個祭物是互人逐年記得罪；

4

因為牛羊的血，會除去罪。

5

所以伊來入世間，就講：祭祀禮物你呣愛；你曾給我備辦身軀。

6

燒祭及贖罪祭你無歡喜。

7

彼時我講：你看，我來啦，我的事記載佇冊裡，上帝，我來是欲行你的旨意。

8

頂面已經講：「祭祀及禮物，燒祭及贖罪祭，你呣愛，亦無歡喜（諸個是照律法來獻的）」；

9

後來講：「你看，我來是欲行你的旨意」；伊是除去代先的，欲設立隨後的。

10

佇此個旨意，對耶穌基督一擺獻身軀，咱得著成聖。

11

閣見若祭司逐日徛來服事，沓沓獻許個相同的祭，就是永永會除去罪的。

12

獨獨基督既然獻一個祭到佇永遠，就坐佇上帝的大旁。

13

以後，聽候伊諸個對敵下做伊的腳踏椅。

14

因為伊用一擺獻祭，互諸個成聖的人永遠做完全。

15

聖神給咱做干證；因為伊已經有講：

16

主講：諸個日了後，我及所欲立的約是此個：我欲將我的律法下佇的心，刻佇的頭腦。

17

後來就講：的罪惡，的不法，決斷無閣記念。

18

諸個既然赦免，就無閣為著罪獻祭。

19

所以兄弟啊，咱佇耶穌的血既然得著好膽入聖所，

20

對伊所給咱開新及活的路，按帳簾經過的，此個帳簾就是伊的身體。

21

閣既然有大祭司治理上帝的家，

22

咱著用真實的心，充滿的信，心已經受灑免互良心責備，身軀亦已經受清水洗，來親近上帝；

23

咱所向望的已經有承認，今著堅固此個，承認無搖動，因為彼個應允咱的是信實。

24

閣著大家相眷顧，來激起仁愛，及行好。

25

呣通放息恁的聚會，親像有人慣勢按呢，就是著相勸勉，既然看見彼日近，閣卡著按呢。

26

因為咱已經得著真知真理，後來若甘心犯罪，就無閣有贖罪的祭；

27

獨獨驚惶來聽候審判及欲吞滅對敵的熱火。

28

棄絕摩西的律法的，有二三人做干證，就互伊死無憐憫，

29

何況睭踏上帝的子，將互本身成聖的約的血做俗物，閣侮慢施恩的聖神，恁想，彼號人應該受的刑罰著加偌重啊！

30

因為咱知是誰有講：「伸冤在我，我欲報應」；閣講：「主欲審判伊的百姓。」

31

陷落佇真活上帝的手，真通驚啊！

32

恁著記得前得著光照了後，忍受患難的大交戰許個日：

33

或是受詈罵、艱苦，互人變弄做戲齣；抑是人受此號的艱苦，恁亦及伊有份。

34

因為人佇鎖鍊的中間，恁曾體貼伊，人搶恁的業，恁歡喜忍受，知家己有閣卡好久長佇的業。

35

所以，莫得棄拺恁好膽的心；因為這有大報賞。

36

恁要緊著吞，互恁已經行上帝的旨意，後來通受所應允的。

37

因為閣霎仔久若定，彼個來的欲到，伊無欲延延；

38

若是我的義人欲對信來活。設使伊勼狹，我的心無歡喜伊。

39

總是咱呣是勼狹致到沈倫的，是有信致到靈魂得救的。