何西阿書 第 4 章 - 台語漢字羅馬本

1

以色列人啊，恁著聽耶和華的話。因為耶和華及此所在的人辯論，因為佇此個地方無誠實，無仁慈，無人識上帝。

2

只有咒誓背約，人、偷提、姦淫、強暴、人無息。

3

所以，此個地方欲悲哀，其中徛起的人，及田野的獸、空中的鳥攏欲衰微，海中的魚也欲無去。

4

總是人呣通辯論，呣通相責備，因為你的百姓親像及祭司辯駁者一樣。

5

你欲佇日時跋倒；先知也欲佇暝時及你相及跋倒；我欲滅無你的老母。

6

我的百姓因為無知來滅無。因為你棄拺智識，我也欲棄拺你，互你無通閣做祭司服事我。你既然記得你的上帝的律法，我也欲記得你的子兒。

7

加添愈多，就愈得罪我；我欲互伊的榮光變做凌辱。

8

食我的百姓的贖罪祭，意愛犯罪。

9

將來百姓怎樣，祭司也欲按呢；我欲因為所行的來辦，照所做的來報應。

10

食，也得著飽；行淫，也無加添人；因為放拺耶和華，呣聽趁伊。

11

淫行及酒，及新酒，是奪人的心。

12

我的百姓問的柴頭，閣的枴仔指示；因為行淫的心互失迷，行淫離開的上帝的管轄，

13

獻祭佇山頂，燒香佇山頭，佇橡樹、楊樹、栗樹的下面，因為的蔭影的好。所以，恁的查某子淫亂，恁的新娘行淫。

14

恁的查某子淫亂，恁的新娘行淫，我無刑罰；因為許個查甫人及娼妓另外住，及廟內的妓女相及獻祭。此號無知的百姓的確捙倒。

15

以色列啊，你雖然行淫，總是猶大呣通犯罪。呣通去吉甲，也呣通上到伯亞文，也呣通指永活的耶和華來咒誓。

16

以色列硬鼻，親像硬鼻的牛母；今耶和華欲飼，親像飼羊佇開闊的地。

17

以法蓮結聯偶像，出在伊！

18

所飲的已經發酸，常常行淫，的官長真歡喜見誚事。

19

風用伊的翅捲伊；欲為著的祭祀致到見誚。