耶利米書 第 1 章 - 台語漢字羅馬本

1

便雅憫地亞拿突城的祭司中，希勒家的子耶利米的話記佇下底。

2

當猶大王亞們的子約西亞坐位的十三年，耶和華的話臨到伊。

3

閣佇猶大王約西亞的子約雅敬坐位的時，直到猶大王約西亞的子西底家十一年的路尾，五月間耶路撒冷人受掠的時，耶和華的話臨到伊。

4

耶和華的話臨到我講：

5

我未創造你佇腹肚內的代先，我識你；你未出胎的代先，我分別你做聖；設立你做列國的先知。

6

我就講：嗐啊！主耶和華啊，你看，我曉講，因為我是囝仔。

7

總是耶和華對我講：你呣通講我是囝仔，因為我見有差你，你著去；我見有吩咐你，你著講。

8

你莫得驚，因為我及你佇，欲救你。這是耶和華講的。

9

耶和華就伸伊的手摸我的嘴，耶和華給我講：你看，我有將我的話下佇你的嘴。

10

看啊，今仔日我設立你佇列邦列國的頂面，是為著欲拔出、欲拆毀、欲敗壞、欲捙倒，欲建立、欲栽培。

11

耶和華的話閣臨到我講：「耶利米啊，你看見甚麼？」我講：「我看見杏樹的一枝。」

12

耶和華就對我講：「你所看是著；我關顧我的話，來成伊。」

13

耶和華的話第二擺臨到我講：「你看見甚麼？」我講：「我看見一個鼎滾，伊的面對北勢向過來。」

14

耶和華就對我講：「欲有災禍對北方發出，臨到此所在一切徛起的百姓。」

15

耶和華講：「看啊，我欲召北方列國的眾族；欲來，逐個安座位佇耶路撒冷諸個城門口，周圍攻擊城牆，亦欲攻擊猶大一切的城。

16

論到此個百姓一切的歹，就是離開我、向別個上帝燒香、跪拜的手所做的，我欲講起我的判斷，來攻擊。

17

所以你著縖腰，起來，將我所吩咐你一切的話給講；莫得因為來驚惶，驚了我互你佇的面前來驚惶。

18

看啊，因為我今仔日互你成做堅固的城、做鐵柱、做銅牆，來抵當全地以及猶大的列王、貴族、祭司，及此所在的眾百姓。

19

欲攻擊你，總是會贏你；因為我及你佇，欲拯救你，這是耶和華講的。」