耶利米書 第 12 章 - 台語漢字羅馬本

1

耶和華啊，我及你辯論的時，你是公義；總是我猶愛及你理論：歹人的路為何亨通？大行詭詐者為何得著平安？

2

你栽培，亦釘根，大欉閣結果子。照的嘴講，你是近，照的心想，你是遠。

3

耶和華啊，你知我，你看見我，試驗我向你的心。求你將拖出來，親像欲的羊，分別伊來聽候的日。

4

此個地悲哀，通國的草菜枯焦，欲到底時啊？為著徛起遐的百姓的歹，精牲、飛鳥攏滅無。因為講：伊無看見阮的結局。

5

耶和華講：你及步行的人相及走，尚且厭倦，豈會及馬鬥跑啊？你佇平安的地，雖然安穩，佇約但河邊的樹林欲按怎樣？

6

因為連你的兄弟，連你的老父的家，攏用奸詐款待你。亦佇你的後面大聲叫，雖然對你講好話，你亦莫得信。

7

我離開我的厝，放拺我的產業，將我的心所疼者交佇伊的對敵的手。

8

我的產業對我親像樹林內的獅，伊出聲攻擊我，因為按呢我怨恨伊。

9

我的產業對我豈親像斑點的鷹鳥嗎？許個鷹鳥豈佇伊的四圍攻擊伊嗎？恁著去聚集田野的百獸，互伊來吞食伊！

10

多多牧者毀壞我的葡萄園，睭踏我的份額，互我好好的份額變做拋荒的曠野。

11

互地拋荒；地已經荒拋，就對我悲哀。全地拋荒，因為無人掛意。

12

殘害者到曠野中一切光裸裸高的所在；耶和華的刀對地的此旁到地的彼旁一盡剿滅。見有血氣者攏無平安。

13

種麥，收成莿帕；勞苦亦攏無利益。因為耶和華的大受氣，欲為著的土產來見誚。

14

「論到一切歹厝邊，就是害著我所互我的百姓以色列承接的產業的。」耶和華有按呢講：「看啊，我欲將拔出的地，閣欲將猶大家對中間拔出來。

15

我拔出以後，我欲倒轉來憐憫，導倒來，逐人歸伊的本業，逐人歸伊的本所在。

16

若肯殷勤學習我的百姓的道路，指我名咒誓講：『耶和華是活者』，親像前教示我的百姓指巴力來咒誓一樣，就欲得著建立佇我的百姓的中間。

17

若呣聽，就我欲拔出此國，拔出來滅伊。這是耶和華講的。」