耶利米書 第 20 章 - 台語漢字羅馬本

1

祭司音麥的子巴施戶珥做管耶和華的厝的頭人，

2

聽見耶利米傳諸個話，巴施戶珥就拍先知耶利米，用柴枷給伊枷佇便雅憫頂的門，此個門佇耶和華的殿內。

3

過日，巴施戶珥開柴枷解放耶利米。耶利米就對伊講：「耶和華呣是叫你的名做巴施戶珥，就是叫你瑪歌珥米撒畢，

4

因為耶和華按呢講：『看啊，我欲互你做你本身，及你眾朋友驚惶的原因；欲倒佇對敵的刀下，你欲親目看見；我欲將猶大人攏交佇巴比倫王的手，伊欲掠到巴比倫，用刀。

5

閣我欲將此個城攏總的貨財及著磨所得著的，及一切的寶貝，以及猶大許個王的寶物，攏交佇的對敵的手；對敵欲搶，欲掠帶到巴比倫。

6

你此個巴施戶珥啊，你及一切踮你家內的人攏欲互人掠去，你及你的眾朋友，就是你對傳假話的，攏欲到巴比倫，死佇遐，埋葬佇遐。』」

7

耶和華啊，你曾勉強我，我也互你勉強。你比我卡有力，來贏我。我通日成做笑話，人攏戲弄我。

8

我逐擺講的時，就出哀傷的聲，我叫講：強暴！搶劫！因為耶和華的話通日成做我的凌辱、譏刺。

9

我若講：我無欲閣提起耶和華，亦無欲閣託伊的名來講，就佇我的心內有親像的火關密佇我的骨內，我就住，會家己禁止。

10

我聽見多多人的誹謗，四圍攏是驚惶；我知己的朋友，就是當等我跋倒者，講：著告伊，阮亦欲告伊！豈採伊受引誘，咱就會贏伊，對伊報讎。

11

總是，耶和華及我佇，親像真通驚的勇士。所以，窘迫我的欲跋倒，會贏；欲大大見誚，就是受永無記得的漏氣，因為行代誌無智慧。

12

萬軍的耶和華啊，你是試驗義人、鑑察人的心腹心腸者，求你互我看見你對報讎，因為我將我的案件稟明佇你。

13

恁著向耶和華唱歌；謳咾耶和華！因為伊救喪鄉人的生命脫離歹人的手。

14

我出世的日，願彼個日子受咒詛；我的老母生我的日，願彼個日子無得著福氣！

15

人報我的老父講：「你有生查甫子」，互伊真歡喜者，願彼個人受咒詛。

16

願彼人親像耶和華所捙倒許個城，也無退悔者；願伊早起時聽見哀慘的聲，日中晝聽見喝喊的聲；

17

因為伊無對胎裡互我死，互我的老母做我的墓，伊的胎常常大的。

18

我啥事出胎來抵著著磨憂苦，互我的年日因為見誚來消滅啊？