耶利米書 第 25 章 - 台語漢字羅馬本

1

當猶大王約西亞的子約雅敬的四年，就是巴比倫王尼布甲尼撒元年，有論起猶大百姓的話臨到耶利米。

2

先知耶利米就將此個話對猶大眾百姓以及一切徛起耶路撒冷的人講：

3

「對猶大王亞們的子約西亞十三年到今，二十三年久，有耶和華的話臨到我；我已經對恁講，閣早早起來講，獨獨恁呣聽。

4

耶和華也早早起來，差伊的奴僕眾先知到恁遮（若是恁無聽趁，亦無俯耳孔來聽），

5

伊講：『恁逐人著越頭，離開伊的歹路及恁所做的歹，就通徛起耶和華所賞賜恁及恁的列祖的地，對古早到永遠。

6

呣通趁別號的上帝服事跪拜，呣通用恁的手所做的來惹我的受氣；按呢，我就無降災禍互恁。

7

總是恁無聽趁我，竟然用手所做的惹我的受氣，陷害家己。這是耶和華講的。』」

8

所以萬軍的耶和華按呢講：「因為恁無聽趁我的話，

9

看啊，我欲召北方諸個族，及我的奴僕巴比倫王尼布甲尼撒，來攻擊此所在及此所在徛起的百姓，以及四圍的列邦。我欲一盡剿滅，互做通卬愕、通譏刺，永遠拋荒的所在。這是耶和華講的。

10

閣中間歡喜的聲快樂的聲，新子婿的聲，新娘的聲，挨磨的聲及燈的光，我欲互攏息。

11

全地的確拋荒，互人卬愕。諸個列邦欲服事巴比倫王七十年。

12

七十年已經滿，我欲刑罰巴比倫王及伊的國的罪，閣互迦勒底人的地永遠拋荒。這是耶和華講的。

13

我欲用我所講攻擊彼個地的事，攏到佇，就是見若記佇此本冊，耶利米所論起諸個國所讖語的。

14

因為有多多國及大的君王欲用迦勒底人做奴僕；我亦欲照的所行，及的手所做的，報應。」

15

耶和華──以色列的上帝對我按呢講：「你對我的手接此杯受氣的酒，互我所差你去的列國飲。

16

飲了就顛顛倒倒，亦欲發狂，因為我互刀劍到中間。」

17

我就對耶和華的手接此杯，互耶和華所差我去的列國飲伊，

18

就是耶路撒冷及猶大諸個城，以及的列王貴族，互拋荒，做通卬愕、通譏刺、通咒詛的，親像今仔日一樣。

19

閣埃及王法老及伊的人臣、貴族、眾百姓，

20

及相參插的百姓，烏斯地諸個王，非利士地諸個王（亞實基倫、迦薩、以革倫，以及亞實突所剩的人）；

21

閣以東、摩押、及亞捫的後裔、

22

推羅列王、西頓列王、海外的海嶼的列王、

23

底但、提瑪、布斯、及一切剃鬢邊者；

24

亞拉伯的列王、踮佇曠野相參插的百姓的列王、

25

心利的列王、以攔的列王、米太的列王、

26

北方遠近的列王，此個彼個，以及天下萬國飲伊，以後示沙克王亦欲飲伊。

27

「你著給講：『萬軍的耶和華──以色列的上帝按呢講：恁著飲，來醉，來吐，來跋倒，無閣起來，因為我互刀劍到恁中間。』

28

「若呣肯對你的手接此個杯去飲，你就著給講：『萬軍的耶和華按呢講：恁決斷著飲！

29

因為我降災禍對彼個用我的名來稱的城起手，恁會一盡免刑罰嗎？的確免得，因為我欲命令刀劍臨到地上攏總的百姓。這是萬軍的耶和華講的。』

30

「所以你著對宣傳這一切的話，來攻擊，講：耶和華欲對頂面喉叫，對伊徛起的聖所出聲，對伊的羊群大聲喉叫；伊欲對地上攏總的百姓喝喊，親像踏葡萄者一樣。

31

欲有喝的聲聽到地極，因為耶和華欲及列國計較；見有血氣者，伊欲及爭辯；論到歹人，伊欲將交互刀劍。這是耶和華講的。

32

萬軍的耶和華按呢講：看啊，欲有災禍對此國發到彼國，閣有大颶頭風對地極起。

33

「當彼日，耶和華所者對地的此旁到地的彼旁攏有。無人啼哭，無人給伊收拾，無人給伊埋葬，欲成做地上的糞埽。

34

牧者啊，恁著哀哭，喉叫；羊群的頭目啊，恁著翱佇火灰中；因為恁受及分散的日期已經到。恁欲倒落去，親像人所歡喜的器具磕落。

35

牧者無路通逃走；羊群的頭目亦無路通脫離。

36

有牧者喉叫的聲，有羊群的頭目哀哭，因為耶和華互的草場拋荒。

37

耶和華發出猛烈的受氣，平安的羊牧成做冷靜。

38

伊親像獅離開伊的穴，因為欺壓的猛烈閣因為伊受氣的猛烈，的地攏成做通卬愕的。」